މިއަދު ހެނދުނު ރަސްފަންނަށް މޫދަށް ގޮސް އުޅުނު ބައެއްގެ އަތްދަބަހަކާއި ދެ ފޯނު ދެ މީހަކު ވަގަށް ނެގުމާ ގުޅިގެން އެމީހުން ހައްޔަރުކޮށް، ތަކެތި ވެރިފަރާތާ ހަވާލުކޮށްފައިވާ ކަމަށް ފުލުހުން ބުނެފި އެވެ.

އެ މައްސަލައިގައި ހައްޔަރުކޮށްފައި ވަނީ ސޮފްވާން އަލީ 26، ލަކީހައުސް، ތ. ތިމަރަފުށި އަދި ހަސަން ތައުފީގް 40، ޒިއުރިކުވިލާ، ގއ. ވިލިގިލި އެވެ.

މީގެ އިތުރުން މިއަދު ހެނދުނު ބިދޭސީއެއްގެ ވޮލެޓް ފޭރިގަތް ދެ މީހުން ހައްޔަރުކޮށް ވޮލެޓު ހޯދާ، ފޭރުނު ފައިސާ ވެރިފަރާތާވަނީ ހަވާލުކޮށްފައިވާ ކަމަށް ވެސް ފުލުހުން ބުނެ އެވެ.

ވޮލެޓް ފޭރިގަނެގެން ހައްޔަރުކޮށްފައިވަނީ ސަލްޓަންވިލާ، ސ. މަރަދޫގެ ދެ މީހުން ކަމަށްވާ މުހައްމަދު ރިމާހު 31، އަދި އިބްރާހީމް ޝުޖާއު ،39، އެކެވެ.

ފޭރުމުގެ މައްސަލައިގައި މިއަދު ހައްޔަރުކުރި ދެ މީހުން -- ފޮޓޯ: ޕޮލިސް

މިދުވަސްވަރު ދަނީ ވައްކަމާއި ފޭރުމުގެ މައްސަލަތައް އިތުރުވަމުންނެވެ. ފުލުހުން ވަނީ ކުށުގެ ތުހުމަތުގައި ހައްޔަރުކުރާ އެންމެންގެ ވަނަވަރު އާއްމުކުރަން ފަށާފަ އެވެ.