މާދަމާ ރޭ، މެންދަމު 12 ޖެހުމާ ހަމައަށް ޕާސްޕޯޓު ދޫކުރުމުގެ ހިދުމަތް ކުރިއަށް ގެންދިއުމަށް ކޮންޓްރޯލާ އޮފް އިމިގްރޭޝަން ނިންމަވައިފި އެވެ.

ޕާސްޕޯޓުގެ ވެރިފިކޭޝަން ޕްރޮސެސް ނިމި، މާދަމާ ހެނދުނު 10:00ގެ ކުރިން ފައިސާ ދައްކާ ނިންމާ އެންމެންނަށް މާދަމާ ރޭ 12ގެ ކުރިން ޕާސްޕޯޓު ލިބޭނެ ކަމަށެވެ.

އެގޮތުން، އެޕޮއިންޓްމަންޓް ހަމަޖެހުމާއެކު، އެސްއެމްއެސްއަކުން އެކަން އަންގާނެއެވެ. އެޕޮއިންޓްމެންޓް ލިބޭ މީހުން ގަޑިއަށް ފަރުވާތެރިވުމަށް ވެސް އިމިގްރޭޝަނުން ވަނީ އިލްތިމާސްކޮށްފަ އެވެ.

ކުރީ ދުވަހުގެ އެޕޮއިންޓްމެންޓަކަށް ނާދެވިފައިވާ ނަމަ، މެންދުރުފަހު 15:00ގެ ކުރިން ކިއުބީ މެދުވެރިކޮށް ކިއު ނަންބަރެއް ނެގުމަށް ވެސް އިމިގްރޭޝަނުން ވަނީ އެދިފަ އެވެ.

ދުނިޔޭގެ ގިނަ ގައުމުތަކުގައި ކޮވިޑާ ގުޅިގެން އަޅާފައިވާ ފިޔަވަޅުތައް އުވާލުމުން ޕާސްޕޯޓުގެ ޑިމާންޑު ވަނީ ބޮޑުވެފަ އެވެ. އެގޮތުން ދުވާލަކު 800 ޕާސްޕޯޓު ހައްދަން ޖެހިފައިވާ ކަމަށް އިިމިގްރޭޝަނުން ބުންޏެވެ.