ބޮލީވުޑްގެ މަޝްހޫރު އެކްޓަރު ސައިފް އަލީ ޚާންގެ 52 ވަނަ އުފަން ދުވަސް މިމަހުގެ 16 ވަނަ ދުވަހު ވަނީ ފާހަގަ ކޮށްފަ އެވެ. ސައިފްގެ އުފަންދުވަހާއި ގުޅިގެން އޭނާގެ ސަޕޯޓަރުންނާއި އާއިލާ މީހުން އަންނަނީ އުފަންދުވަހުގެ ދުވަހުގެ ތަހުނިޒާ ކިޔަމުންނެވެ.

ސައިފްގެ އުފަންދުވަހުގެ ތަހުނިޔާ އެންމެ ތަފާތު ގޮތެއްގައި ކިޔާފައިވަނީ އޭނާގެ އަންހެނުން ބޮލީވުޑްގެ މަޝްހޫރު ބަތަލާ ކަރީނާ ކަޕޫރެވެ.

އިންސްޓަގްރާމްގައި ކަރީނާ ކަޕޫރު ވަނީ ސައިފްގެ ތަފާތު ފޮޓޯއެއް ހިއްސާކޮށްފަ އެވެ.

މި ފޮޓޯގައި ސައިފް ހުރީ ލިޕްސްޓިކް ޖައްސައިގެންނެވެ. އަދި ފޮޓޯގައި އޭނާ ހުރީ 'ޕައުޓް' ވެސް ކޮށްގެންނެވެ. ކަރީނާ އަކީ "ޕައުޓް ކުއީން"ގެ ގޮތުގައި މަޝްހޫރު ތަރިއެކެވެ. ނަމަވެސް ކަރީނާ ވަނީ ސައިފް އޭނާއަށް ވުރެ މޮޅުކަމަށް ބުނެ ތައުރީފް ކޮށްފަ އެވެ.

މިއީ ދެމަފިރިންގެ މަޖާ މިޒާޖު ވަރަށް ބޮޑަށް ދައްކުވައިދޭ ފޮޓޯއެއް ކަމަށް ފޭނުން ބުނެ އެވެ.

https://www.instagram.com/p/ChTsInyv6rs/

ސައިފްގެ އުފަންދުވަސް ފާހަގަ ކުރުމުގެ ގޮތުން ސައިފްގެ އާއިލާއިން ވަނީ ކޭކެއްވެސް ފަޅާފަ އެވެ.

https://www.instagram.com/p/ChUJ5ABDHHM/

ސައިފް އާއި ކަރީނާ ކައިވެނި ކުރީ 2012 ވަނަ އަހަރުއެވެ. އަދި އެމީހުންނަށް ވަނީ ދެ ފިރިހެން ކުދިން ވެސް ލިބިފަ އެވެ.

މީގެ އިތުރުން ސައިފްގެ އަލަތު ކައިވެންޏަށްވެސް ދެ ކުދިން ތިބެ އެވެ. ދޮށީ ދަރިފުޅު ސާރާ އަލީ ހާން އަކީ ބޮލީވުޑްގެ މިހާރުގެ އެންމެ ޑިމާންޑިންގް އެއް ބަތަލާ އެވެ. ދެން ހުންނަނީ އިބްރާހިމް އަލީ ހާން އެވެ. އޭނާ މިހާރު އަންނަނީ ބޮލީވުޑްގެ މަޝްހޫރު ޑައިރެކްޓަރު ކަރަން ޖޯހަރުގެ ކުރިއަށް އޮތް ފިލްމުގައި އެސިސްޓެންޓް ޑައިރެކްޓަރެއް ގޮތުގައި މަސައްކަތް ކުރަމުންނެވެ.

ސައިފްގެ އުފަންދުވަހަކީ އޯގަސްޓް 16 އެވެ.

ސައިފް ކުޅެފައިވާ ކާމިޔާބު ފިލްމުތަކަށް ބާލާއިރު "ކޮކްޓެއިލް" (2012)، "ދިލް ޗަހުތާ ހޭ" (2001)، "ލަވް އާޖް ކަލް" (2009)، "ބަންޓީ އައުރް ބާބްލީ 2" (2021)، "އަދި ކަލް ހޯ ނާ ހޯ" (2003) ފަދަ ފިލްމުތައް ހިމެނެ އެވެ.