ހޮލީވުޑްގެ މަޝްހޫރު ތަރިން ކަމަށްވާ ޖެނިފާ އެނިސްޓަން އާއި އޭނާގެ ކުރީގެ ލޯބިވެރިޔާ ޖަސްޓިން ތެރޫ ލޯބީގެ ގޮތުން އަލުން ގުޅިގެން އުޅޭ ކަމަށް އަޑުފެތުރެން ފަށައިފި އެވެ.

ދެތަރިން ކައިވެނިކުރީ 2015 ވަނަ އަހަރުގެ އޮގަސްޓު މަހުގެ ފަސްވަނަ ދުވަހު އެވެ. އަދި އެކީގައި ތިން އަހަރު އުޅުމަށްފަހު ކައިވެނީގެ ގޮށް މޮހައިލީ 2018 ވަނަ އަހަރުގެ ފެބްރުއަރީ މަހު އެވެ.

އޭގެ ފަހުން ގިނަ އަހަރުތަކަކަށް ފަހު ދެތަރިން އެކީގައި ފެންނަން ފެށިއިރު، ފޭނުން ވަނީ އެ ދެތަރިން އަލުން ގުޅުނީ ކަމަށް ހީކޮށްފަ އެވެ. އަދި ޖެނިފާ އާއި ޖަސްޓިން އެކީ ކެއުންތަކަށްދާ ފޮޓޯތައް ފަހަކަށް އައިސް ސޯޝަލް މީޑިއާގައި އަންނަނީ އާންމުވަމުންނެވެ.

ނަމަވެސް މިކަމާ ގުޅިގެން މިހާތަނަށް ދެ ތަރިން ވެސް ބަހެއް ނުބުނެ އެވެ.

މީގެ ކުރިން 2021 ވަނަ އަހަރު ޖަސްޓިން ދިން އިންޓަވިއުއެއްގައި އޭނާ ވަނީ ޖެނިފާއާ އޮތް ގުޅުމާ ގުޅިގެން ވާހަކަދައްކާފަ އެވެ.

އޭނާ ބުނިގޮތުގައި އެ ދެމީހުންގެ ކައިވެނި ރޫޅުނަސް ރަހުމަތްތެރިކަމެއް ނުރޫޅޭނެ އެވެ. އަދި ކޮންމެ ދުވަހަކު ގުޅައި މެސެޖު ނުކުރި ނަމަވެސް ދޭތެރެއިން މެސެޖުކޮށް ގުޅާހަދާ ކަމަށާއި، ބައްދަލުވުންތަކަށް އެކީގައި ގޮސްހަދާކަން ހާމަކޮށްފައިވެ އެވެ.