ކިއާރާގެ އަގުބޮޑު ދިރިއުޅުމުގެ ކުޑަ މިންވަރެއް ދައްކާލައިފި
ނަތަންޔަހޫ ހައްޔަރުކުރަން އައިސީސީން އަމުރެއް ނެރެފި
ރާއްޖޭގެ ޑިމޮކްރަސީގެ އިރު އިއްޔެ އޮއްސިއްޖެ: ޝާހިދު
ހުޅުމާލޭގައި ވޯޓާ ސްޕޯޓްސް ވިޔަފާރިކުރާ ފަރާތްތަކަށް އެ ޚިދުމަތް ދިނުމުގެ ހުއްދަ ދީފައިވީ ނަމަވެސް، ބީޗު ސަރަހައްދުގައި ގޮނޑި އަދި މޭޒު ޖަހައި ކެފޭ އުސޫލުން ޚިދުމަތް ދިނުން މަނާކޮށްފައިވާ ކަމަށް އާބަންކޯ އިން ބުނެފި އެވެ.
ހުޅުމާލެ ތަރައްގީކޮށް ބަލަހައްޓާ ކުންފުނިން ބުނީ އެ ކުންފުނިން ބުނީ ވޯޓަ ސްޕޯޓްސް ވިޔަފާރިއަކީ އާންމުންގެ މުނިފޫހިފިލުވުމާއި، އުފާވެރި މާހައުލެއް ގާއިމްކުރުމަށް ބީޗުގައި ހިންގާ ކަމަކަށްވާއިރު، އާންމުންނަށް ބޭނުންވާ ފެންފުޅި އަދި ލުއިކާނާ ފަދަ ތަކެތި ޓޭކްއަވޭގެ ގޮތުގައި އެތަންތަނުން ވިއްކަން ހުއްދަދީފައި ވާނީ އާންމުންނަށް ފަސޭހަ ކޮށްދިނުމުގެ ބޭނުމުގައި ކަމަށެވެ. އެގޮތުން ވޯޓާ ސްޕޯޓްސް ވިޔަފާރިކުރާ ފަރާތްތަކަށް އެ ޚިދުމަތް ދިނުމުގެ ހުއްދަ މި ކުންފުނީގެ ފަރާތުން ދީފައިވީ ނަމަވެސް، ބީޗު ސަރަހައްދުގައި ގޮނޑި އަދި މޭޒު ޖަހައި ކެފޭ އުސޫލުން ޚިދުމަތް ދިނުން މަނާކޮށްފައިވާ ކަމަށް އާބަންކޯ އިން ބުނެ އެވެ.
"ބީޗުގައި ގޮނޑި އާއި މޭޒު ބަހައްޓައި، ކެފޭ އުސޫލުން ޚިދުމަތް ދިނުމަކީ އެކަމުގައި އާންމުންގެ ކަންބޮޑުވުން އޮތްކަމެއްކަން މި ކުންފުންޏަށް ވަނީ ފާހަގަވެފައި. އެގޮތުން އެފަދަ ތަންތަނުގައި ދުންފަތުގެ އިސްތިއުމާލުކުރުމުގެ ސަބަބުން ދަތިވުމާއި، ބީޗުގެ މާހައުލު ގެއްލޭކަމުގެ ޝަކުވާ މި ކުންފުންޏަށް އެކި ފަހަރުމަތިން ވަނީ ލިބިފައި،" އާބަންކޯ އިން ބުންޏެވެ.
އާބަންކޯ އިން ހުޅުމާލެ އާބަން އަދި ޒަމާނީ ތަނެއްގެ ގޮތުގައި ތަރައްގީކުރަމުން އަންނައިރު، އެންމެ ބޮޑު އެއް އިސްކަމެއްދެނީ ހުޅުމާލޭގައި މުޖުތަމައުގެ ބަދަހިކަން އިތުރުކޮށް، އާންމުންނަށް ހިތްފަސޭހަ އަދި ހިތްގައިމު މާހައުލަކަށް ހެދުން ކަމަށެވެ. އަދި މާލެ ސަރަހައްދަށް ބަލާއިރު، އާންމުންނަށް އެންމެ ޖާގަ ތަނަވަސް ދޮންވެލި ބީޗެއް ލިބެން އޮތީ ހުޅުމާލެއިން ކަމަށާއި، ހުޅުމާލޭގެ ބީޗު ސަރަހައްދުގައި އެ ކުންފުނީގެ ފަރާތުން އާންމުންގެ ހިތްހަމަޖެހުމަށް އަދި އާންމުން ބޭނުންވާ ފަދަ އެކި ހަރަކާތްތައް ކުރިއަށްގެންދެވޭނެ މަގުފަހިކޮށްދީފައިވާ ކަމަށް ވެސް އެ ކުންފުނިން ބުނެ އެވެ.
އޭގެ ތެރޭގައި ކެފޭ، ޓޭކްއަވޭ ޝޮޕްސް، އަދި ވަކިން ޚާއްސަކޮށް ވޯޓާ ސްޕޯޓްސް ވިޔަފާރިއަކީ ވެސް ހުޅުމާލޭގެ ބީޗު ސަރަހައްދުގައި ހިންގަމުން އަންނަ ކަމެއް ކަމަށް ވެސް އާބަންކޯ އިން ބުނެ އެވެ. މިފަދަ ވިޔަފާރިތަކަށް ބީޗު ސަރަހައްދުން ޖާގަ ދީފައިވީ ނަމަވެސް، މިކަންކަމަށް ހުއްދަ ދީފައިވާނީ ވަކި އުސޫލުތަކެއްގެ ދަށުން ކަމަށް ވެސް އެ ކުންފުނިން ބުނެ އެވެ.
"ބީޗަކީ އާންމުން ބޭނުންކުރާނެ ޖާގަ ތަނަވަސް އަދި އަތޮޅުތެރޭގެ ރަށްރަށުން ވެސް ލިބޭ ފަދަ ދޮންވެލި ސާފު ބީޗެއްގެ ތަޖުރިބާ ލިބިދޭނެ ފަދަ ތަނަކަށް ހެދުމަށް އާބަންކޯއިން މަސައްކަތްކުރަމުން އަންނައިރު، މިހާރު މިކަމުގައި މި ކުންފުންޏަށް ދިމާވެފައިވާ އެންމެ ބޮޑު އެއް ގޮންޖެހުމަކީ ބީޗު ސަރަހައްދުގައި ވިޔަފާރިތައް ހިންގަމުން އަންނަ ބައެއް ފަރާތްތަކުން މިކަމުގައި އޮންނަ އުސޫލުތަކާ ޚިލާފުވުން،" އާބަންކޯ އިން ބުންޏެވެ.
އާބަންކޯ އިން ބުނީ އެ ކުންފުނީގެ ފަރާތުން އަބަދުވެސް މަސައްކަތްކުރަމުން އަންނަނީ، ހުޅުމާލެ އަކީ ހުރިހާ އެންމެންނަށް ވެސް ހިތްފަސޭހަ މާހައުލެއްގެ ގޮތުގައި ތަރައްގީކުރުމަށެވެ. އަދި މި މަގްސަދުގައި ކުންފުނީގެ ފަރާތުން ހަދާފައިވާ މިފަދަ އުސޫލުތަކަށް ހުރިހާ ފަރާތްތަކުން ވެސް ސަމާލުކަން ދިނުމަކީ މުހިންމު ކަމެެއް ކަމަށް އެ ކުންފުނިން ބުނެ އެވެ.
