ހޮލީވުޑްގެ މަޝްހޫރު ލަވަކިޔުންތެރިޔާ ލޭޑީ ގާގާ އޭނާގެ ބައިވެރިޔާ މައިކަލް ޕޮލެންކްސީއާ އެންގޭޖް ވެއްޖެކަން މީޑިއާއަށް ހާމަވެއްޖެ އެވެ.

މިކަން މީޑިއާއަށް އެނގިފައިވަނީ މިފަހުން އޮތް ވެނިސް ފިލްމު ފެސްޓިވަލްގެ ރެޑް ކާޕެޓް ފެނިލުމުގައި ލޭޑީ ގާގާ އޭނާގެ އަތުގައި އަނގޮޓިއެއް އަޅާފައި އޮތް މަންޒަރު ފެނުމުންނެވެ.

އެ ރެޑް ކާޕެޓުން ލޭޑީ ގާގާ ފެނިފައިވަނީ މައިކަލްއާއެކު އަތާއި އަތް ޖޯޑުކޮށް ގުޅުވައިގެން ދަނިކޮށެވެ. ދަމުން ކެމެރާތަކަށް އޭނާގެ އަނގޮޓި ދައްކާލާފައިވެ އެވެ.

ގާގާގެ ފިލްމެއް ކަމަށްވާ "ޖޯކާ: ފޮލީ އަ ޑޫކްސް"ގެ ޕްރިމިއާއަށް އެ ދެމީހުން އެކުގައި އައިއިރު ލޭޑީ ގާގާ ހުރީ ކަޅާއި ހުދު ކުލައިގެ ބޯޅަޖެހި ހެދުމެއްގަ އެވެ. މައިކަލް ފެނިގެންދިޔައީ ކަޅު ކޯޓު ފަޓުލޫނެއްގަ އެވެ.

މައިކަލްއާ އެންގޭޖްވި ކަމުގެ އިޝާރާތެއް ނިމިދިޔަ އޮލިމްޕިކް ގޭމްސް ތެރެއިން ވެސް ލޭޑީ ގާގާ ވަނީ ދީފަ އެވެ. އެގޮތުން ބައެއް ފަރާތްތަކަށް ގާގާ މައިކަލް ތައާރަފް ކޮށްދީފައިވަނީ އޭނާގެ "ފިއާންސޭ"ގެ ގޮތުގަ އެވެ.

ދެހާސް ނަވާރަ ވަނަ އަހަރު ބައްދަލުވެ ޖެހިގެން އައި އަހަރު ގާގާއާއި ޖަސްޓިން ލޯބީގެ ގޮތުން ގުޅުނު ކަމަށް ހަބަރު ފެތުރުނު ނަމަވެސް މިހާތަނަށް އެމީހުން އުޅުނީ ވަރަށް ސިއްރުންނެވެ،