ރޯދަ މަސް ފެށުމާ ދިމާކޮށް ދިރާގުން ހާއްސަ އޮފާތަކެއް މިއަދު ތައާރަފުކޮށްފި އެވެ.

ރޯދަ ރެޑީ'ގެ ނަމުގައި ކުރިއަށް ގެންދާ މި އޮފާތަކަކީ، ރާއްޖޭގެ އާދަކާދަތަކާއި ސަގާފަތް އަދި އިސްލާމީ އާދަކާދަތަކާ ގުޅުވައިގެން ރޯދަ މަހަށް ތައްޔާރުވުމަށް އެ ކުންފުނީގެ ކަސްޓަމަރުންނަށް ކުރިއަށް ގެންދާ އޮފާއެއް ކަމަށް ދިރާގުން ބުންޏެވެ.

މި އޮފާގެ ދަށުން ހަތަރު މީހަކަށް އުމްރާ ދަތުރުގެ އިތުރުން، ރޯދައަށް ހާއްސަކޮށް ވިޔަފާރި ކުުރުމަށް ހާއްސަ ޝޮޕިން ސްޕްރީއެއްވެސް ހިމެނެ އެވެ.

އުމްރާ ދަތުރުގެ ތަފްސީލް

  • 22 ޖުލައިން 6 އޮގަސްޓާ ދެމެދު އުމްރާ ކުރުމުގެ ފުރުސަތު ނަސީބުވެރި ހަތަރު ކަސްޓަމަރުންނަށް ދޭނެ
  • އުމްރާ ދަތުރު ލިބޭނީ ދިރާގު ލިމިޓެއް ނެތް 30 އިން ފެށިން މަތީގެ ޕެކޭޖުތަކަށް ސަބްސްކްރައިބުކޮށްފައިވާ ކަސްޓަމަރުންގެ ތެރެއިން ހޮވާ ނަސީބުވެރިންނަށް

ޝޮޕިން ސްޕްރީގެ ތަފްސީލް

  • ރޯދައަށް ތައްޔާރުވުމަށް ބޭނުންވާ ވިޔަފާރި ކުރުމަށް ދޭ މި ހާއްސަ ފުރުސަތުގެ ދަށުން ރާއްޖޭގެ ބޮޑެތި ވިޔަފާރި ކުންފުނިތަކާއި ސުޕަމާކެޓުތަކުން ވިޔަފާރި ކުރުމުގެ ފުރުސަތު އޮންނާނެ
  • އެއް މިނެޓު ތެރޭ 4،000ރ.ގެ މުދާ ގަތުމަށް ލިބޭ މި ފުރުސަތު އަންނަ މަހުގެ ތެރޭ 10 ނަސީބުވެރި ކަސްޓަމަރުންނަށް ލިބޭނެ
  • މި ޕްރޮމޯޝަނުގައި ބައިވެރިވެވޭނީ 25 ފެބްރުއަރީގެ ކުރިން ދިރާގުގެ ޕްރީޕެއިޑު، ޕޯސްޓުޕެއިޑު ނޫނީ ފައިބާ ބްރޯޑްބޭންޑު ހިޔާރު ކުރާ ކަސްޓަމަރުންނަށް

މީގެއިތުރުން ރޯދަ މަސް ތެރޭ ވެސް އެ ކުންފުނީގެ ކަސްޓަމަރުންނަށް ހާއްސަ އޮފާތަކާ އެކު ޕްރޮމޯޝަން ކުރިއަށް ގެންދާނެ ކަމަށް ދިރާގުން ބުންޏެވެ.