މާލީ ދާއިރާއިން ފަންނީ މީހުން ބިނާކުރުމަށް ޕެންޝަން އޮފީހުން ހާއްސަ ސްކޮލަޝިޕް ޕްރޮގްރާމެއް ތައާރަފުކޮށްފި އެވެ.

އެ އޮފީހުން ބުނީ މި ޕްރޮގްރާމުގެ އަމާޒަކީ ރާއްޖޭގެ މާލީ ދާއިރާއަށް ބޭނުންވާ ތަފާތު ރޮނގުތަކުން މަތީ ތައުލީމު ހާސިލުކޮށް ކުރިއަށް ދިއުމަށް އެދޭ ހުނަރުވެރި ދިވެހިންނަށް އެ ފުރުޞަތު ހޯދައިދީ، މާލީ ދާއިރާގައި މަސައްކަތްކުރާނެ ގާބިލު މީހުން ބިނާކުރުން ކަަމަށެވެ.

މެރިޓް ބޭސްޑް ޕްރޮގްރާމެއްގެ ގޮތުގައި ހިންގުމަށް ހަމަޖެހިފައިވާ މި ޕްރޮގްރާމަކީ، ދުނިޔޭގެ ޔުނިވަސިޓީ ރޭންކިންއަށް ބަލައި ފެންވަރު ރަނގަޅު ޔުނިވަސިޓީތަކުން އަންޑަގްރެޖުއޭޓް އަދި ޕޯސްޓްގްރެޖުއޭޓް ޕްރޮގްރާމްތަކުގައި ކިޔެވުމުގެ ފުރުސަތު ލިބިގެންދާނެ ފުލީ ފަންޑެޑް ސްކޮލަޝިޕް ޕްރޮގްރާމެއް ކަމަށް ވެސް އެ އޮފީހުން ބުނެ އެވެ.

މި ޕްރޮގްރާމުގެ ދަށުން ކިޔެވުމަށް ކަނޑައަޅާ ދާއިރާތަކާއި ސްކޮލަަޝިޕްގެ އަދަދު ޕެންޝަން އޮފީހުން އަހަރަކު އެއްފަހަރު އިއުލާންކުރާ ގޮތަށް ހަމަޖެހިފައިވާ ކަަމަށް ޕެންޝަން އޮފީހުން ބުނެ އެވެ. މިގޮތުން މި އަހަރަށް 1 އަންޑަގްރެޖުއޭޓް ސްކޮލަޝިޕް އިއުލާން ކޮށްފައިވާ ކަމަށް ޕެންޝަން އޮފީހުން ބުނެ އެވެ.

މި ޕްރޮގްރާމާ ގުޅޭ އިތުރު މަޢުލޫމާތު މިލިންކު ލިބޭނެ އެވެ.