އައްޑޫއިން އިންސިއުލިން ހުސްވެ ބަލި މީހުން ގޮތް ހުސްވެފައިވާ ކަމުގެ އަޑުތަކެއް ފެތުރިއްޖެއެވެ.

އާންމު ރައްޔިތަކު ސޯޝަލް މީޑިޔާއަށް ދޫކޮށްލާފައިވާ ޕޯސްޓެއްގައި ވަނީ އޭނާ މިވަގުތު ހުރީ އައްޑޫގައި ކަމަށާ އައްޑޫއިން ހަކުރު ބަލި މީހުން ގަޔަށް ޖަހަން ބޭނުންކުރާ އިންސިއުލިން ހުސްވެފައިވާ ކަމަށެވެ. އެހެންކަމުން އޭނާއަށް އިންސިއުލިން ގެންނަން އައްޑޫއަށް ދަތުރުކުރާ މީހެއްގެ އެހީއަށް އޭނާ އެދިފައިވެއެވެ.

ސޯޝަލް މީޑިޔާގައި ދައުރުވަމުންދާ ޕޯސްޓުގެ ސްކްރީން ޝޮޓެއް

މިކަމާ ގުޅިގެން "ހުރިހާ"އިން އައްޑޫގެ ގިނަ ބޭސް ފިހާރަތަކަށް ގުޅާލުމުން ފާހަގަވެފައިވަނި އިންސިއުލިން ގަންނަންވެސް ބޭސް ފިހާރަތަކުގައި ލިބެން ނެތް ކަމެވެ. މިކަމާ ގުޅިގެން ހެލްތު މިނިސްޓްރީއިން ބުނެފައިވަނީ މައުލޫމާތު ސާފުކުރުމަށް ފަހު ޖަވާބެއް ދޭނެ ކަމަށް ބުނެފައިވެއެވެ.