މާފަންނު ރައްޔިތުންނާއެކު ރައީސް މުހައްމަދު މުއިއްޒު ބާއްވާ ބައްދަލުވުމުގައި ސުވާލު ކުރަން ބޭނުންވާ މީހުން އަންގައި ދިނުމަށް މާފަންނު ދެކުނު ދާއިރާގެ މެންބަރު އަބްދުﷲ ރިފާއު (ބޮޗޭ) ވެސް އެ ދާއިރާގެ ރައްޔިތުންނަށް މެސެޖު ކުރެއްވިކަން އެނގިއްޖެ އެވެ.

މާފަންނު ދެކުނު ދާއިރާގެ ރައްޔިތުންގެ ތެރެއިން ރިފާއުގެ މެސެޖު ލިބުނު ބައެއް މީހުން ވަނީ އެކަން ބައެއް މީޑިއާތަކަށް ކަށަވަރުކޮށް ދީފައި އެވެ. އެގޮތުން "ހުރިހާ" އަށް ވެސް މެސެޖު ލިބުނު ބައެއް ފަރާތްތަކުން ވަނީ އެކަން ކަށަވަރުކޮށް ދީފަ އެވެ.

"ޑިސެންބަރ 4 ވާ ބުރާސްފަތި ދުވަހުގެ ރޭ 8:30 ގައި ތާޖުއްދީން ސްކޫލުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު މާފަންނުގެ ރައްޔިތުންނާ ބައްދަލު ކުރެއްވުމަށް ވަނީ ހަމަޖެހިފަ އެވެ. މި ބައްދަލުވުކުރެއްވުމުގައި ރައީސުލްޖުމްހޫރިއްޔާއާ ސުވާލެއް ކުރައްވަން ނުވަތަ މެސެޖެއް އަރުވަން ބޭނުންފުޅުވާ ނަމަ ނަމާއި އައިޑީ ކާޑު ނަންބަރާއި ފޯން ނަންބަރު ފޮނުއްވާ ދެއްވުން އެދެމެވެ. އަދި މި ބައްދަލުވުމަށް ތިޔަ އެންމެ ބޭފުޅުންނާއި އާއިލާތަކަށް ދައުވަތު އަރުވަމެވެ،" ބައެއް މީހުންނަށް ރިފާއު ފޮނުއްވި މެސެޖުގައި ވެ އެވެ.

ރިފާއު މެސެޖު ކުރިކަން ފަޅާއަރާފައިވާއިރު، މާފަންނު މެދު ދާއިރާގެ މެންބަރު އަސްމާ ރަޝީދު ވެސް ވަނީ ހަމަ މި މޭރުވުމުން މެސެޖުކޮށް ރައީސް މުއިއްޒާއި ސުވާލުކުރުމަށް ބޭނުންވާ މީހުން އަންގައިދޭން އެދި މެސެޖު ކުރި މައްސަލައެއް ފެމްތަިވެފަ އެވެ. އެގޮތުން މިކަން ފަޅާއަރައި ރައީސް މުއިއްޒު ވަނީ އަސްމާއަށް ހަރުކަށި ފިޔަވަޅުތަކެއް ވެސް އެޅުއްވާފަ އެވެ. އެގޮތުން އަސްމާގެ ސަބަބުން ރައީސް މުއިއްޒުގެ ނަން ހަޑިވެ ބަދުނާމުވެއްޖެ ކަމަށް ވިދާޅުވެ އަސްމާއަށް އެކަމަށް މައާފަށް އެދެން ވެސް ވަނީ އަންގާފަ އެވެ. އެގޮތުން އަސްމާ މިހާރު ވަނީ މައާފަށް ވެސް އެދި ބަޔާނެއް ވެސް ނެރަފަ އެވެ.

ރިފާއުގެ މެސެޖާ ގުޅިގެން އޭނާއާމެދު ފިޔަވަޅެއް އެޅިކަން އަދި އެނގިފައެއް ނުވެ އެވެ.