މިއަދު މިގެނެސްދޭ ޑިޝްއަކީ ރޯދަ ވީއްލުމަށާއި ހާރުދަމަށް ވެސް ހަދާލަން ރަނގަޅު އެންމެންނަށް ވެސް ކަމުދާނެ ޑިޝްއެކެވެ. ހުކުރު ދުވަހުގެ ސުފުރާ މައްޗަށް މިޑިޝް އިންސާފުކޮށްލުން ކިހިނެއްވާނެތޯ އެވެ

ބޭނުންވާ ތަކެތި

  • 3 މޭޒުމަތީ ސަމުސާ އޮލިވް އޮއިލް
  • 2 ކެރެޓް (ކިއުބުކޮށް ކޮށާފައި)
  • 1 ބޮޑުމިރުސް (ފެހިކުލަ)
  • 1 ފިޔާ (ތުނިކޮށް ކޮށާފައި)
  • 3 ލޮނުމެދު (ތުނިކޮށް ކޮށާފައި)
  • 2 ޖޯޑު ބާސްމަތީ ހަނޑޫ (ދޮވެ ހިއްކާފައި)
  • 1 މޭޒުމަތީ ސަމުސާ ޓޮމާޓޯ ޕޭސްޓް
  • 2 ޖޯޑު ޗިކަން ބްރޮތު
  • 1 ޓޮމާޓޯ (އަވަނުގައި ފިހެ ކޮށާފައި)
  • 3 ސަމުސާ ޓޮމާޓޯ ސޯސް
  • ¾ މޭޒުމަތީ ސަމުސާ ދިރި
  • މޭޒުމަތީ ސަމުސާ އޮރިގާނޯ
  • ލޮނު (ރަހަލާވަރަށް)
  • 1 މޭޒުމަތީ ސަމުސާ މުގުރި އަސޭމިރުސް

ހަދާނެގޮތް:

  1. ބޮޑުތެއްޔެއްގައި ތެޔޮ ހޫނުކުރުމަށްފަހު ކެރެޓް ، ބޮޑުމިރުސް ، ފިޔާ އަދި ލޮނުމެދު އެޅުމަށްފަހު ކައްކާށެވެ. ފިޔާކޮޅު ރަތް ވުމުން ހަނޑޫ އަދި ޓޮމާޓޯ ޕޭސްޓް އެޅުމަށްފަހު ހަނޑޫ ހަނާކުރާށެވެ. ދެތިން މިނިޓް ރަނގަޅުވާނެވެ.
  2. އެއަށްފަހު ޗިކަން ބްރޮތު އާއި ޓޮމާޓޯ އަދި ޓޮމާޓޯ ސޯސް އެއްކޮށްލާށެވެ. އެއަށްފަހު ދިރި ، އޮރިގާނޯ ، ލޮނު އަދި އަސޭމިރުސް އެޅުމަށްފަހު ދިޔަގަނޑު ރަނގަޅަށް ކައްކާށެވެ. ކެކެން ފެށުމުން ގިނި މަޑުކޮށް ތެލީގައި ސަރަފޯސް ޖަހާށެވެ.
  3. ދިޔަގަނޑު ހިނދެންދެން ކެއްކުމަށްފަހު ސަމުސަލަކުން އެއްކޮށްލާށެވެ.

ކުކުޅު ނުވަތަ ބީފް ސައިޑް ޑިޝްއަކާއެކު އިންސާފު ކުރައްވާށެވެ.