ރަންބީރު ކަޕޫރު އާއި ސަންޖޭ ދަތުގެ ފިލްމު "ޝަމްޝޭރާ"ގެ ހަބަރެއް ނުވާތާ ގިނަ ދުވަސްތަކަކަށް ފަހު ފިލްމު ސްޓްރީމްކުރާނެ އޯޓީޓީ ޕްލެޓްފޯމް އިއުލާންކޮށްފި އެވެ.

"ޝަމްޝޭރާ" ގެ ވާހަކަ ފުރަތަމަ އިއުލާން ކޮށްފައިވަނީ 2018 ވަނަ އަހަރު ތެރޭގަ އެވެ.

"ޝަމްޝޭރާ"ގެ ލީޑް ރޯލުން ފެނިގެންދާނީ ރަންބީރު ކަޕޫރު އެވެ. ރަންބީރު ކަޕޫރުގެ ފިލްމަކަށް ބެލުންތެރިން އިންތިޒާރުކުރަމުން އަންނަތާ ގިނަ ދުވަސްތަކެއް ވަނީ ވެފަ އެވެ.

"ޝަމްޝޭރާ" ސްޓްރީމް ކުރާނެ އޯޓީޓީ ޕްލެޓްފޯމްއަކީ އެމެޒޯން ޕްރައިމްކަމަށް ފިލްމުގެ އުފެއްދުންތެރިން ވަނީ މައުލޫމާތު ދީފަ އެވެ.

މި ފިލްމުގައި ހާއްސަ ރޯލަކުން ސަންޖޭދަތު ފެނިގެންދާއިރު ފިލްމުގެ އަންހެން ލީޑް ރޯލް އަދާކުރަނީ ވާނީ ކަޕޫރު އެވެ. ދާދި ފަހުން ވާނީ ކަޕޫރު ވަނީ ތިއޭޓަރުތަކުގައި ރިލީޒްކުރުމަށް ހަމަޖެހިފައިވާ ފިލްމުތައް އޯޓީޓީ ޕްލެޓްފޯމްތަކުގައި ރިލީޒް ކުރަން ޖެހޭތީ އެކަމާމެދު ކަންބޮޑުވުން ފާޅުކޮށްފަ އެވެ.