ނޫސްވެރިންގެ ޖަމިއްޔާ މޯލްޑިވިއަން ޖާނަލިސްޓް އެސޯސިއޭޝަން (އެމްޖޭއޭ) އަށް ބަޔަކު ބިރު ދެއްކިޔަސް އެ ޖަމިއްޔާގެ އަޑުކެނޑިގެން ނުވާނެކަމަށް އިދިކޮޅު ކޯލިޝަންގައި ހިމެނޭ ޕީއެންސީގެ ނައިބު ރައީސް، އަދި ރައްޔިތުންގެ މަޖިލީހުގެ މާވަށު ދާއިރާގެ މުހައްމަދު ސައީދު ވިދާޅުވެއްޖެ އެވެ.

ސައީދު އެގޮތަށް ވިދާޅުވީ "ދިޔަރެސް" ނޫހުގެ ނޫސްވެރިއަކަށާއި އެ ނޫހަށް ރާއްޖޭގެ ފޮރިން މިނިސްޓްރީންނާއި ވެރިކަން ކުރާ އެމްޑީޕީން ބިރުދައްކާ، އިންޒާރުދީ ގޮންޖެހުންތައް ކުރިމަތި ކުރަމުން ގެންދާ މައްސަލަ އެ ޖަމިއްޔާއިން މިހާތަނަށް ކުއްވެރިކޮށްފައި ނުވުމުންނެވެ.

ވަކިބަޔަކު ވެރިކަމަށް އައުމުން އައުމުން ނޫސްވެރިކަމުގެ މިނިިވަން ގަލަންތަކުން ދެލލި ހުސްވުމަކީ ޑިމޮކްރެސީއަށް ކުރާ މަލާމާތެއް ކަމަށް ވެސް ސައީދު ވިދާޅުވި އެވެ.

"ލިބިފައިވާ އިލްމާއި ތަޖުރިބާއަށް އިހްތިރާމް ކުރައްވާ. ވަކި ބަޔަކު ވެރިކަމަށް އައީމަ މިނިވަންކަން ގަަންތަކުން ދެލި ހުސްވުމަކީ ޑިމޮކްރެސީއަށް ކުރާ މަލާމާތެއް. އެމްޖޭއޭގެ އަޑަކީ ގަންނަ ބިރަކަށް ކެނޑޭ އެއްޗަކަށް ނަހައްދަވާ" ސައީދު ވިދާޅުވި އެވެ.

"ދިޔަރެސް" ނޫހާއި އެ ނޫހުގެ ނޫސްވެރިއަކަށް ބިރު ދައްކާ މައްސަލައިގެ އެމްޖޭއޭއިން އަދި އެއްވެސް ބަޔާނެއް ނުނެރެ އެވެ. ނަމަވެސް މީގެ ކުރިން މީޑިއަތަކަށާއި ނޫސްވެރިންނަށް ކުރިމަތިވާ ކަންކަމުގައި ބަޔާން ނެރެ އެވެ."ދިޔަރެސް" އިން އިންޑިއާ އާއި ގުޅޭ ގޮތުން ލިޔަމުންދާ ލިޔުންތަކުގެ މައްސަލަ ހޫނުވީ އިންޑިއާގެ ޑެޕިއުޓީ އެމްބެސެޑަރާއި ގުޅޭ ގޮތުން ގެނެސްދިން ރިޕޯޓަށް ފަހުއެވެ. އެރިޕޯޓަށް ފަހު އިންޑިއާގެ ހައިކޮމިޝަނުން ވަނީ ރާއްޖޭގެ ނޫސްތަކާއި އަދި ދިވެހިން މީސް މީޑިއާގައި އިންޑިއާ އާއި ދެކޮޅަށް ދައްކަމުން ގެންދާ ވާހަކަތައް ހުއްޓުވައިދޭން ދިވެހި ސަރުކާރުގައި އެދިފަ އެވެ.

އަދި ވަނީ ރާއްޖޭގައި ހަރަކާތްތެރިވާ އިންޑިއާ ޑިޕްލޮމެންޓުގެ ރައްކާތެރިކަން ކަށަވަރުކޮށް ދިނުމަށް އެދިފަ އެވެ. އެއާއެކު ކުރިން ފުލުހުން ސެކިއުރެޓީ ބެލެހެއްޓީ އިންޑިއާ ހައިކޮމިޝަންގެ ސެކިއުރެޓީ މިހާރު ބަލަހައްޓަނީ ސިފައިންނެވެ.