ހުޅުމާލޭގައި ހިޔާ ފްލެޓް ސަރަހައްދުގައި ނުރައްކާތެރި އެކްސިޑެންޓެއް ހިނގައިފި އެވެ.

މި އެކްސިޑެންޓްގައި ގިނަ ބަޔަކަށް އަނިޔާވެފައިވާ ކަމަށް ވެސް މައުލޫމާތު ލިބެ އެވެ.

މިރޭ ހިނގި މި އެކްސިޑެންޓުގައި ހައެއްކަ މީހުންނަށް އެކި ވަރުގެ އަނިޔާ ލިބިފައިވާ ކަމަށްވެ އެވެ. ނަމަވެސް އެކްސިޑެންޓް ހިނގީ ކިހިނެއް ކަމެއް މިހާތަނަށް ހާމަވެފައެއް ނުވެ އެވެ.

ހުޅުމާލެ ދެވަނަ ފިޔަވަހީގައި ހިނގި އެކްސިޑެންޓްގައި ސަރަހައްދަށް ގިނަ ބަޔަކު އެއްވެފައިވާއިރު، އަނިޔާވި މީހުންނަށް ފަރުވާދިނުމަށް ހޮސްޕިޓަލަށް ގެންދިއުމުގެ މަސައްކަތް ކުރަމުން ގެންދިޔަ ކަމަށް މަންޒަރު ދުށް މީހަކު ބުންޏެވެ.

އޭނާ ބުނީ، މިއީ މިރޭ އެ ސަރަހައްދުގައި ހިނގި ދެވަނަ އެކްސިޑެންޓް ކަމަށެވެ. އަދި މީގެ ކުރިން ހިނގި އެކްސިޑެންޓުގައި ސައިކަލަކާއި ކުޑަ ވޭނެއް ޖެހިގެން ހަމަ އެމަގުގައި އެކްސިޑެންޓެއްވި ކަމަށް އޭނާ ވަނީ ބުނެފަ އެވެ.

އަނިޔާވި މީހާ ހޮސްޕިޓަލަށް ގެންދިޔައީ ޕިކަޕަކަށް ލައިގެން ކަމަށް ވެސް އެ މީހާ ބުންޏެވެ.