ބޮލީވުޑްގެ ތަރި ސޮނާކްޝީ ސިންހާ އާއި އެކްޓަރު ޒަހީރު އިގްބާލް ރައްޓެހިވެގެން އުޅޭ ކަމަށް އެމީހުން ބުނެފި އެވެ.

މިކަން ކަށަވަރު ކޮށްދީފައިވަނީ "ނޯޓްބުކް"އިން ބޮލީވުޑަށް ތައާރަފުވި ޒަހީރު އިންސްޓަގްރާމްގައި ކޮށްފައިވާ ޕޯސްޓަކުންނެވެ.

ސޮނާކްޝީގެ އުފަންދުވަހުގެ ތަހުނިޔާ ކިޔުމަށް ކޮށްފައިވާ ޕޯސްޓްގެ ކެޕްޝަނުގެ ތެރެއިން "އައި ލަވް ޔޫ" ވަނީ ޖަހާފަ އެވެ.

https://www.instagram.com/p/Ced11EcMJ8-/

މިކަން ހާމަކޮށްފައިވަނީ މިދެމީހުން ރައްޓެހިވެގެން އުޅޭ ވާހަކަ ދެކެވޭތާ ގިނަ ދުވަސްތަކެއް ފަހުނެވެ.

ކުރީގެ އެކްޓަރު ޝަތުރުގަން ސިންހާގެ ދަރިފުޅު ސޮނާކްޝީ ބޮލީވުޑަށް ނުކުތީ ސަލްމާން ޚާންއާ އެކު ކުޅުނު 2010 ގެ "ދަބަންގް" އިންނެވެ. ގަހަނާގެ ވިޔަފާރި އާއިލާއަކަށް ނިސްބަތްވާ ޒަހީރު ބޮލީވުޑަށް ނެރުނީ ސަލްމާން ޕްރޮޑިއުސްކުރި 2019 ގެ "ނޯޓްބުކް" އިންނެވެ.

ޒަހީރާއި ސޮނާކްޝީ ރައްޓެހިވެގެން އުޅޭކަން ކަށަވަރުކޮށްދިން އިރު، ދެ ތަރިން އެކީގައި ކުޅުނު ފިލްމެއް ވެސް ރިލީޒްކުރަން އަންނަނީ ތައްޔާރުވަމުންނެވެ. އެ ލަވަ ރިލީޒްކުރާނެ ތާރީހެއް އިއުލާން ކޮށްފައި ނުވާއިރު ލަވައިގެ ނަމަކީ "ޑަބަލް އެކްސްއެލް" އެވެ.