ބޮލީވުޑްގެ ދެ ފަންނާނު ކަމަށްވާ ކެޓްރީނާ ކައިފް އާއި ވިކީ ކައުޝަލް ކައިވެނިކުރުމަށް ފަހު ފުރަތަމަ ފަހަރަށް އެމީހުން ދިރިއުޅުމާ ބެހޭ ގޮތުން ވާހަކަ ދައްކައިފި އެވެ.

ވިކީ އެމީހުންގެ ދިރިއުޅުމާ ބެހޭ ގޮތުން ވާހަކަ ދައްކާފައިވަނީ އެންމެ ފަހު އަބޫދާބީގައި ބޭއްވި އައިފާ އެވޯޑް 2022 ގައި އެވެ.

ވިކީއަށް ވަނީ އައިފާ އެވޯޑް 2022 ގެ އެންމެ މޮޅު އެކްޓަރުގެ އެވޯޑް ލިބިގެން ގޮސްފަ އެވެ. މިފަހަރު އެވޯޑް ހަފްލާގައި ކެޓްރީނާ ބައިވެރިވެފައެއް ނުވެ އެވެ.

ކެޓްރީނާ އާއި ވިކީ ސިއްރުން އެތައް ދުވަހަކު އުޅުމަށްފަހު، ކައިވެނިކުރީ 2021 ވަނަ އަހަރު އެވެ.

ކައިވެންޏާއި، ބެހޭގޮތުން ފުރަތަމަ ފަހަރަށް ވިކީ ބުނީ، ކެޓްރީނާއާއެކު ދިރިއުޅުމަކީ ހިތްފަސޭހަ ދިރިއުޅުމެއް ކަމަށެވެ. އަދި ދެމީހުންގެ ގުޅުން ދަނީ ވަރަށް ރަނގަޅަށް ކަމަށްވެސް ވިކީ ވަނީ ބުނެފަ އެވެ.

ވިކީއާއި ކެޓްރީނާ އެންމެ ފަހުން އެކުގައި ފެނިފައިވަނީ ކަރަންޖޯހަރުގެ އުފަންދުވަހުގެ ޕާޓީންނެވެ. އެ ޕާޓީއަށްފަހު ކެޓްރީނާ ވަނީ ކޮވިޑް 19 އަށް ޕޮޒިޓިވްވިކަން އިއުލާނުކޮށްފަ އެވެ.