ފ. ނިލަންދޫ މިސްކިތެއް ކައިރީގައި ހުރި ނިކަގަހެއްގައި އަލިފާނުގެ ހާދިސާއެއް ހިނގައިފި އެވެ.

އެމްއެންޑީއެފުން ކުރި ޓުވީޓެއްގައި ބުނިގޮތުގައި އަލިފާން ރޯވެފައިވަނީ ނިލަންދޫ ސަލާމް މިސްކިތް ކައިރީގައި ހުރި ބޮޑު ނިކަގަހެއްގައި ކަމަށެވެ. އަދި ނިކަ ގަހުގައި އަލިފާނުގެ ހާދިސާއެއް ހިނގި ކަމުގެ ރިޕޯޓު އެމްއެންޑީއެފަށް ކުރީ މިރޭގެ 20:53 ހާއިރު ކަަމަށް އެމްއެންޑީއެފުން ބުނެފައިވެ އެވެ.

އަލިފާން ރޯވުމާއި އެކު އެމްއެންޑީއެފް ސެންޓްރަލް އޭރިއާ ކޮމާންޑް އާއި ނިލަންދޫ ފަޔާ ސްޓޭޝަންގެ ފަޔާމަނުން ހަރަކާތްތެރިވެފައިވާކަމަށް އެމްއެންޑީއެފުން ބުނެފައިވެ އެވެ.

އެމްއެންޑީއެފުން އިތުރަށް ބުނީ ނިކަގަހުގައި ރޯވި އަލިފާން ގަނޑު ނިއްވާލާފައިވަނީ މިރޭގެ 21:10 ހާއިރު ކަމަށެވެ.