ތުރުކީގެ އިސްތަންބޫލުގައި ހިނގި ބަސް އެކްސިޑެންޓެއްގައި ދިވެހި އާއިލާއަކަށް ވަރަށް ބޮޑަށް އަނިޔާވެއްޖެ އެވެ.

އެ އެކްސިޑެންޓްގައި އަނިޔާވީ އައްޑޫ ސިޓީ ފޭދޫއަށް ނިސްބަތްވާ އާއިލާއަކަށެވެ.

އިބްރާހީމް ޝިޔާޒް ނަމަކަށް ކިޔާ މީހަކާއި އޭނާގެ އަންހެނުންގެ އިތުރުން ދެ ދަރިންނަށް ވަނީ އަނިޔާވެފަ އެވެ.

އެނގިފައިވާގޮތުގައި އެ އެކްސިޑެންޓުގައި ލިބުނު ޒަހަމްތަކުގެ ތެރޭގައި އެކެއްގެ އަތް ބިނދިފައިވެ އެވެ. އެންމެ ބޮޑަށް އަނިޔާވީ ޝިޔާޒަށެވެ.

އެ އެކްސިޑެންޓްގައި އެއްވެސް މީހަކަށް ފުރާނައަށް ނުރައްކާވާ ވަރުގެ އަނިޔާއެއް ލިބިފައިނުވާ ކަމަށް މައުލޫމާތު ލިބެ އެވެ.