ޓީވީގެ ދެ ތަރިން ކަމަށްވާ ކަރަން ކުންދުރާއާއި ތޭޖަޝްވީ ޕްރަކާޝް ކައިވެނި ކުރުމަސް ތައްޔާރުވަމުން އަންނަ ކަމަށް ރިޕޯޓްތައް ބުނެފި އެވެ.

ކަރަން އާއި ތޭޖަޝްވީ ލޯބީގެ ގޮތުން ގުޅިފައިވަނީ ސަލްމާން ޚާން ހުށައަޅައިދޭ "ބިގް ބޮސް" ސީޒަން 15ގަ އެވެ. މިޝޯގެ ތެރޭގައި ދެ އެކްޓަރުން ވެސް ލޯބިވެ، އެދެމީހުންގެ ގުޅުން ރަސްމީކޮށް އިއުލާނުވެސް ވަނީ ކޮށްފަ އެވެ. ކަރަން އާއި ތޭޖަޝްވީ އަކީ ގިނަ ބައެއްގެ ލޯބި ލިބިފައިވާ ދެ ފަންނާނުންނެވެ.

ފިލްމީ މިރްޗީއަށް ދިން އިންޓަވިއުއެއްގައި ކައިވެންޏާ ބެހޭ ގޮތުން ކުރި ސުވާލަށް ޖަވާބުގައި ކަރަން ބުނެފައިވަނީ ވަރަށް އަވަހަށް އެ ދެމީހުން ކައިވެނި ކުރާނެ ކަމަށެވެ. ވަގުތު ޖެހުމުން ހުރިހާ ކަމެއް ހާމަކުރަމުންދާނެ ކަމަށްވެސް ކަރަން ބުންޏެވެ. އަދި ކައިވެނި ކުރުމަށް ޕްލޭން ކުރަމުން އަންނަ ކަމަށްވެސް ކަރަން ބުންޏެވެ.

https://www.instagram.com/p/CgBdvl0vOGY/?hl=en

ކަރަންއާއި ތޭޖަސްވީ އެންމެ ފަހުން ފެނިފައިވަނީ ދެމީހުން އެކުގައި ކުޅުނު ވީޑިއޯ ލަވަ ''ބާރިޝް އާއީ ހޭ'' އިންނެވެ. ކަރަންގެ ކުރިއަށް އޮތް ޕްރޮޖެކްޓްގެ ނަން އަދި ހާމަނުކުރެ އެވެ. އަދި ތޭޖަސްވީ ދަނީ މިހާރު ވެސް އިންޑިއަން ޓެލެވިޒަންގެ ޑުރާމާ އެއްކަމުގައިވާ ''ނާގިން 6'' ގައި މަސައްކަތް ކުރަމުންނެވެ.

https://www.instagram.com/p/CgBdvl0vOGY/?hl=en