ބޮލީވުޑްގައި މިހާރު ކުރިއަރަމުން އަންނަ ބަތަލާ ރަކުލް ޕްރީތު ސިންގް ފިލްމީ މަސައްކަތްތަކުން ބްރޭކެއް ނެގުމަށް ރާއްޖެ އަތުވެއްޖެ އެވެ.

ރަކުލް ރާއްޖެ އައިސްފައިވާއިރު، މިފަހަރު ޗުއްޓީ ހޭދަކުރަމުން އަންނަނީ ބ. އަތޮޅުގެ ފިނޮޅު މޯލްޑިވްސްގަ އެވެ. ބެލެވޭ ގޮތުގައި ރަކުލް ރާއްޖޭގައި ޗުއްޓީ ހޭދަކުރަމުން އަންނައިރު، އޭނާ އެންމެ ފަހުން ކުޅުނު، "ތޭންކް ގޯޑް" ރިލީޒް ކޮށްފައިވަނީ މިދިޔަ އަންގާރަ ދުވަހުގަ އެވެ.

ބޮލީވުޑްގެ މިހާރު އެންމެ ޑިމާންޑް ބޮޑު ބަތަލާއިންގެ ތެރޭގައި ހިމެނޭ 32 އަހަރުގެ ރަކުލްގެ ފަސް ފިލްމެއް މި އަހަރުގެ މިހާތަނަށް ރިލީޒްވެފައިވެ އެވެ. އެއީ "ތޭންކް ގޯޑް" އާއި "ކަތުޕުތުލީ" ގެ އިތުރުން "ޑޮކްޓަރު ޖީ" އާއި "ރަންވޭ 34" އަދި "އެޓޭކް" އެވެ.

ރަކުލް ޕްރީތު ސިންގަކީ ދެކުނަށް ނިސްބަތްވާ ތަރިއެކެވެ. ނަމަވެސް މި ފަހުން ބޮލީވުޑްގެ ބޮޑެތި ގިނަ ފިލްމުތަކެއް ވެސް ރަކުލް އަންނަނީ ކުޅެމުންނެވެ.

ރަކުލް މި އަހަރުގެ ޖުލައިގައި އާއިލާއާ އެކީ ރާއްޖެ އަ އެވެ.