ހޮލީވުޑް ތަރިންގެ ކިބައިން އާދަޔާ ހިލާފު ކަންކަން ފެނުމަކީ އަލަށްވާ ކަމެއް ނޫނެވެ. ހަަމައެހެންމެ ތަރިންގެ އާދަޔާ ހިލާފު ކަންކަމުން އެ ތަރިން އަބަދުވެސް ދަނީ އާންމުން އާޝޯހުކުރުވަމުންނެވެ.

އެ ލިސްޓުގައި ހޮލީވުޑްގެ މަޝްހޫރު ފިލްމީ ތަރި ޖެނިފާ ލޯރެންޒް ވެސް ހިމެނެ އެވެ.

ޖެނިފާ އަކީ މުޅި ދުނިޔޭގައި ވެސް އެންމެ އަގުބޮޑުކޮށް ފިލްމު ކުޅެދޭ އެއް ތަރި އެވެ. އެއާއެކު ޖެނިފާގެ މަސައްކަތުގެ އިތުރުން އޭނާގެ ޒާތީ ހަޔާތަކީ ވެސް އާންމުން ބަލައި އޮޅުން ފިލުވަން ބޭނުންވާ މައުލޫމާތުތަކެކެވެ.

އެގޮތުން 'އެމްޓީވީ' އަށް ދިން އިންޓަވިއުއެއްގައި ޖެނިފާ ވަނީ ގިނަ މީހުންގެ ފަރާތުން ނުފެންނަ ކަމެއް އޭނާ ކުރާކަމަށް ބުނެފަ އެވެ. އޭނާ ބުނިގޮތުގައި ފާހާނާއަށް ދިއުމަށްފަހު ދުވަހަކު ވެސް ޖެނިފާ އަތެއް ނުދޮވެ އެވެ. މިކަމުގެ ސަބަބެއް އޭނާ ހާމަކޮށްފައެއް ނުވެ އެވެ.

މިކަމާ ގުޅިގެން ޖެނިފާއަށް އާންމުން ވަރަށް ބޮޑަށް ފާޑުކިޔެވެ. އަދި އެކަން އާންމުންނަށް ސާފުކޮށްދިނުމަށްޓަކައި ޖެނިފާ ދިން އިންޓަވިއުގައި އޭނާ ބުނީ، އަތް ނުދޮންނަނީ ހަމައެކަނި ގޭގައި ފާހާނާ ކުރާނަމަ އެވެ. ނަމަވެސް "ޕަބްލިކް" ފާހާނާ ބޭނުންކުރުމަށްފަހު އޭނާ އަތް ދޮންނަ ކަމަށް ޖެނިފާ ބުނެފައިވެ އެވެ.