ޖުމްހޫރީ ޕާޓީގެ ލީޑަރު ގާސިމް ިއބްރާހީމްއާއި ބައްދަލު ކުރެއްވުމަށް ނައިބު ރައީސް ފައިސަލް ނަސީމް ސަން އައިލެންޑަށް ވަޑައިގެންފި އެވެ.

ފައިސަލް ނަސީމް ގާސިމް އާއި ބައްދަލުކުރެއްވުމަށް ގާސިމްގެ ސަން އައިލެންޑް ރިސޯޓަށް ވަޑައިގެންނެވީ މިއަދު އެވެ.

މިބައްދަލުކުރެއްވުމުގެ ބޭނުމެއް ނުވަތަ މަޝްވަރާ ކުރެއްވި ކަމެއް ފައިސަލްގެ ފަރާތްޕުޅުން ވެސް އަދި ގާސިމްގެ ފަރާތްޕުޅުންވެސް ހާމަ އެއް ނުކުރައްވަ އެވެ. އެހެން ނަމަވެސް "ހުރިހާ އަށް އެނގިފައިވާ ގޮތުގައި ކުރިއަށް އޮތް ރިޔާސީ އިންތިހާބުގައި ޖޭޕީގެ ނިންމުމާ ގުޅޭގޮތުން މަޝްވަރާ ކުރައްވާނެ އެވެ.

ފައިސަލް ނަސީމަކީ މިސަރުކާރުގައި ޖޭޕީގެ އަށް ލިބުނު ސްލޮޓުގައި ނައިބު ރައީސްގެ މަގާމުގައި ހުންނެވި ބޭފުޅެކެވެ. އެހެން ނަމަވެސް ފައިސަލް އާއި ޖޭޕީ އާ އޮތް ގުޅުން ރިޔާސީ އިންތިހާބަށްފަހު ވަނީ ވަރަށް ބޮޑަށް ގުޅުން ވަނީ ކެނޑިފަ އެވެ. މިދިޔަ މަހު ޖުމްހޫރީ ޕާޓީ އިން ބޭއްވި އެ ޕާޓީގެ ކޮންގްރެސްގައި ވެސް ފައިސަލް ނަސީމް ބައިވެރިވެވަޑައިގެންފަ އެއް ނުވެ އެވެ.

ފައިސަލް ގާސިމް އާ ބައްދަލު ކުރެއްވުމަށް ސަން އައިލެންޑަށް ވަޑައިގެންފައިވާ އިރު ރިޔާސީ އިންތިހާބުގައި ރައީސް އިބްރާހީމް މުހައްމަދު ސޯލިހުއަށް ތާއީދު ކުރެއްވުމަށް އެމަނިކުފާނު ވަނީ މިސަރުކާރު ކޯލިޝަންގެ ހުރިހާ ޕާޓީތަކަށް ދައުވަތު ދެއްވާފައި އެވެ. އެހެން ނަމަވެސް ޖުމްހޫރީ ޕާޓީއާއި އެމްއާރުއެމް އިން އަދި ވަކި ގޮތެއް ނުނިންމަ އެވެ. ރައީސް ސޯލިހަށް ތާއީދުކުރަން ނިންމާފައި ވަނީ ހަމަ އެކަނި އަދާލަތު ޕާޓީ އިންނެވެ.

ފައިސަލް ގާސިމް އާއި ބައްދަލު ކުރެއްވުމަށް ސަން އައިލެންޑަށް ވަޑައިގެންނެވި އިރު އަދާލަތު ޕާޓީގެ ރައީސް ހޯމް މިނިސްޓަރު އިމްރާން އާ އެމްއާރުއެމްގެ ރައީސް ފާރިސް މައުމޫން ވެސް ވަނީ ރިޔާސީ އިންތިހާބާ ގުޅެގޮތުން ގާސިމްއާ ސަން އައިލެންޑްގައި ބައްދަލުކުރައްވާފައި އެވެ.

އަދި ރައީސް ނަޝީދުގެ އަރިސް ބޭފުޅުންތަކެއް ވެސް ގާސިމްއާ ވަނީ ބައްދަލު ކުރައްވާފަ އެވެ.