މިހާރު ސިނަމާތަކުގައި ދައްކަމުން އަންނަ އަދި ގިނަ ބައެއްގެ މަގުބޫލުކަން ލިބިފައިވާ "ބާބީ" ފިލްމަށް ލިބުނު ޖުމްލަ އާމްދަނީ ދެ ބިލިއަން އެމެރިކާ ޑޮލަރުން މައްޗަށް އަރައިފި އެވެ.

ފިލްމު ނުކުތްތާ ތިން ހަފްތާ ވެފައިވާއިރު އެ ފިލްމަށް ލިބެމުން އަންނަ ތަރުހީބު އަދިވެސް ކުޑަ ވެފައި ނުވާ ކަމަށް އެ ފިލްމުގެ ޕްރޮޑިއުސަރުން ބުނެ އެވެ.

ގްރޭޓާ ގޭރްވިގް ޕްރޮޑިއުސްކޮށް މާގޮޓް ރޮބީއާއި ރިޔާން ގޮސްލިންލީޑު ރޯލުން ފެނިގެންދާ ބާބީ ފިލްމަކީ ދެހާހުގެ ކުރީކޮޅުގެ އަހަރުތަކުގައި މަޝްހޫރުވި ކާޓޫނުގެ ލައިވް އެކްޝަން ފިލްމެކެވެ.

ބާބީއއަށް ލިބެމުން އަންނަ ބޮޑު ތަރުހީބާއެކު އެ ފިލްމަކީ 2023 ވަނަ އަހަރު އެންމެ ބޮޑު އާމްދަނީއެއް ލިބޭ ފިލްމަކަށް ވެސް ވެދާނެ ކަމަށް ހޮލީވުޑްގެ މާހިރުން އަންނަނީ ބުނަމުންނެވެ.

ބާބީއާއި އޯޕަން ހެއިމާގެ ރިލީޒް އެއް ދުވަސްވަރަކަށް ދިމާވެ ބާބީގެ އާމްދަނީ ކުޑަވާނެ ކަމަށް ބައެއް ފަރާތްތަކުން ލަފާ ކުރި ނަމަވެސް އެއާ ޚިލާފަށް އެ ފިލްމުން ވަނީ ގިނަ ރެކޯޑުތަކެއް ހަދާފަ އެވެ.