އިންޓަކޮންޓިނެންޓަލް މޯލްޑިވްސް މާމުނަގައު ރިސޯޓުން ސްނޯކްލިންއަށް ދިޔަ ޓޫރިސްޓެއް ގެއްލިގެން ހޯދަން ފަށައިފި އެވެ.

އެމްއެންޑީއެފް އިން ބުނީ އެ ރިސޯޓުން ސްނޯކްލިން އަށް ދިޔަ މީހާގެ ހަބަރެއް ނުވެގެން ހޯދަން އެމްއެންޑީއެފްގެ ނޮދާން އޭރިއާ ކޯސްޓްގާޑް ސްކުއަޑްރަންއިން ހަރަކާތްތެރިވާން ފަށާފައިވާ އެވެ.

މައުލޫމާތު ލިބިފައިވާ ގޮތުގައި ގެއްލިގެން ހޯދަމުންދަނީ އަންހެން ޓޫރިސްޓެއް ކަމަށާއި އަދި އެ މީހާ ސްނޯކްލިންއަށް ގޮސްފައި ވަނީ އެކަންޏެވެ.

އެމްއެންޑީއެފުން ބުނިގޮތުގައި އެމީހާ ގެއްލިގެން އުޅޭކަން ރިޕޯޓުކޮށްފައިވަނީ މިރޭ 9:00 ހާއިރު އެވެ.

މިހާދިސާއާ ބެހޭ އިތުރު ތަފްސީލު އަދި ލިބިފައެއް ނުވެ އެވެ.