މެންބަރު އައިބީ ދެ އަންބަށް މީހަކާ އިނުމުން ގެއިން ބޭރުކޮށްލައިފި
ނަތަންޔަހޫ ހައްޔަރުކުރަން އައިސީސީން އަމުރެއް ނެރެފި
ޓޮމްގެ ވޯޓް ޕީއެންސީއާ ދެކޮޅަށް، ބައެއް މެންބަރުން ބައިވެރިނުވި
ރައްޔިތުންގެ މަޖިލީހުގައި ސަލާމަތީ ހިދުމަތްތަކާ ބެހޭ ކޮމެޓީ (241 ކޮމިޓީ) ގައި 13 މެންބަރުން އަދި މަޖިލީހުގެ އެހެން ދާއިމީ ކޮމިޓީތަކަށް 11 މެންބަރުން ތިއްބަވާ ގޮތަށް މަޖިލީހުން މިއަދު ފާސްކޮށްފި އެވެ
ވިހި ވަނަ މަޖިލިހުގެ ފުރަތަމަ ޖަލްސާގައި ޕީއެންސީގެ ޕާލިމެންޓްރީ ގްރޫޕުގެ ލީޑަރު، އިނގުރައިދޫ ދާއިރާގެ މެންބަރު އިބްރާހިމް ފަލާހު ހުށަހެޅުއްވީ ގާނޫނުއަސާސީގެ 241 ވަނަ މާއްދާގެ ދަށުން އެކުލަވާލަންޖެހޭ ސަލާމަތީ ހިދުމަތްތަކާ ބެހޭ ކޮމިޓީ ނުވަތަ 241 ކޮމިޓީ 13 މެންބަރުންގެ މައްޗަށް އެކުލަވާލުމަށާއި މަޖިލީހުގެ އާންމު އެހެން ކޮމިޓީތައް 11 މެންބަރުންގެ މައްޗަށް އެކުލަވާލުމަށެވެ. އަދި މެންބަރުން ބައިވެރިވެވަޑައިގަތުމަށް ބޭނުންވާ ކޮމިޓީތައް އެނގޭ ގޮތަށް ކުރިއަށް އޮތް ޖޫން މަހުގެ ދެވަނަ ދުވަހުގެ ކުރިން ނަންތައް ފޮނުއްވާ ދިނުމަށެވެ.
މި ހުށަހެޅުމަށް ތާއީދު ކުރެއްވީ ބާރަށު ދާއިރާގެ ޕީއެންސީގެ މެމްބަރު އިބްރާހިމް ޝުޖާއު އެވެ.
އެ ހުށަހެޅުން ފާސްވީ 88 މެމްބަރުންގެ ވޯޓުންނެވެ. ފާސްކުރަން ނުފެންނަ ކަމަށް މެންބަރަކު ވޯޓެއް ނުދެއްވަ އެވެ.
މީގެ އިތުރަށް މިއަދު ވަނީ މަޖިލީހުގެ ކޮމިޓީތައް އެކުލަވާލުމަށްޓަކައި އަންނަ މަހުގެ ދެ ވަނަ ދުވަހުގެ ނިޔަލަށް މަޖިލީހުގައި ހިމެނޭ ސިޔާސީ ޕާޓީތަކުންނާއި ވަކި ޕާޓީއަކަށް ނިސްބަތްނުވާ މެމްބަރުން، މަޖިލީހުގެ ދާއިމީ ކޮމެޓީތަކަށް ހަމަޖެއްސުމަށް ބޭނުންވާ މެމްބަރުންގެ ނަންތައް މަޖިލީހުގެ އިދާރާއަށް ފޮނުވުމަށް ފާސްކޮށްފަ އެވެ.
ވިހި ވަނަ ރައްޔިތުންގެ މަޖިލިހުގެ ހިންގާ ގަވައިދު އެކުލަވާލެވެން ދެން 19 ވަނަ މަޖިލީހުން އަމަލު ކުރަމުން އައި ގަވާއިދަށް އަމަލު ކުރަން މަޖިލިހުން ވަނީ ފާސްކޮށްފަ އެވެ. އަދި އާ ގަވައިދު އަންނަ މަހުގެ 26 ކުރިން ނިންމަށްވެސް މިއަދުގެ ޖަލްސާގައި ވަނީ ފާސްކޮށްފަ އެވެ.
މިހާރު އޮތް މަޖިލީހުގައި 93 މެންބަރުން ތިއްބަވާއިރު ޕީއެންސީ ތަމްސީލްކުރައްވާ 75 މެންބަރުން ތިއްބަވަ އެވެ. އެމްޑީއޭގެ ދެ މެންބަރަކާއި، ޖުމްހޫރީ ޕާޓީގެ ލީޑަރު ގާސިމް އިބްރާހިމާއި އެމްއެންޕީގެ ރައީސް މުހައްމަދު ނާޒިމް ވެސް ސަރުކާރާ އެކު މަސައްކަތް ކުރައްވާނެ އެވެ.
ސަރުކާރުން ބޭނުންވާ ގޮތަށް މި މަޖިލީހުގައި ވޯޓު ދެއްވާނެ މެންބަރުންގެ އަދަދު 79 އަށް އަރަ އެވެ. ރިޔާސަތު ނުހިމަނާ އެއީ 78 އެވެ. އިދިކޮޅު އެމްޑީޕީގެ 12 މެންބަރުންނާއި އެއްވެސް ޕާޓީއަކަށް ނިސްބަތްވާ ނުވަ ދެ މެންބަރަކު މަޖިލީހުގައި ތިއްބަވަ އެވެ.
