އައްޑޫ ސިޓީ ހިތަދޫގައި ނަރުދަމާ ގާއިމްކުރަން ކޮނެފައިވާ ތަނުގައި ހުރި ވެލިފުންޏަކަށް ސައިކަލެއް އަރައި، މީހަކަށް ސީރިއަސް އަނިޔާތަކެއް ލިބިއްޖެ އެވެ.

ފުލުހުން ބުނީ ފެން ހިންދާ ނިޒާމު ގާއިމްކުރަން މަގު ކޮނެފައިވާ ހިސާބުން ބާރު ސްޕީޑުގައި ދުއްވާފައި ދިޔަ ސައިކަލެއް ރޭ 11:50 ހާއިރު ވެލި ފުންޏަކަށް އަރައިގެން ރިޕޯޓުކޮށްފައިވާ ކަމަށެވެ.

އެ ހާދިސާގައި ސައިކަލު ދުއްވަން އިން އުމުރުން 23 އަހަރުގެ ދިވެހި ފިރިހެނަކަށް އަނިޔާވެގެން އައްޑޫ އިކުރިޓޯރިއަލް ހޮސްޕިޓަލުގައި އަންނަނީ ފަރުވާ ދެމުންނެވެ. މިހާރުދަނީ އިތުރު ފަރުވާއަށް މާލެ ގެނައުމުގެ މަސައްކަތް ކުރަމުންނެވެ.

އެ ޒުވާނާ އަށް ލިބިފައިވާ އަނިޔާތަކުގެ ތަފްސީލް ލިބިފައި ނުވާއިރު، އޭނާގެ ހާލު ސީރިއަސް ކަމަށްވެ އެވެ.

ފުލުހުން އަންނަނީ އެ މައްސަލަ އިތުރަށް ތަހުގީގުކުރަމުންނެވެ.