ބޮލީވުޑްގެ ވެޓެރަން ޅެންވެރިޔާ ޖާވިދް އަޚްތަރުގެ ފުރަތަމަ ކައިވެނި ރޫޅުނީ ރަލުގެ މަސްތުގައި ޖެހި އޭނާއަށް ކުރެވުނު ކަންތައްތަކެއްގެ ސަބަބުން ކަމަށް ޖާވިދު ބުނެފި އެވެ.

ސަޕަން ވަރްމާ ޔޫޓިއުބް ޗެނަލްއަށް ދިން އިންޓަވިއުއެއްގައި ޖާވިދު ބުނީ އޭނާގެ ފުރަތަމަ ކައިވެންޏާމެދު ވިސްނާލުމުން ދެރަވާ ކަމަށާއި އެއީ ކާމިޔާބު ކައިވެންޏަކަށް ހެދުނީސް ކަމަށެވެ.

"ރަލުގެ މަސްތުގައި ޖެހި އަހަންނަށް ގިނަ ގޯސްތަކެއް ހެދުނު. ހަޔާތުގެ 10 އަހަރު ގެއްލުނު. މިއަދު އެކަންކަމާމެދު ވިސްނާލުމުން ދެރަވޭ" ޖާވިދު ބުންޏެވެ.

އެ އިންޓަވިއުގައި ޖާވިދު ވަނީ ރަލަކީ މީހާގެ މުޅި ހަޔާތް ހަލާކު ކޮށްލާ އެއްޗެއް ކަމަށް ބުނެ މިއަދުގެ ޒުވާނުން ރަލުގެ ވަބާއިން ދުރުވެ ތިބުމަށް އިލްތިމާސް ކޮށްފަ އެވެ.

ޖާވިދު އެންމެ ފުރަތަމަ ކައިވެނިކުރީ ހަނީ އިރާނީއާ އެވެ 1972 ވަނަ އަހަރު ކުރެވުނު އެ ކައިވެންޏަށް ދެ ދަރިން ލިބުނެވެ. އެއީ ފަރްހާން އަޚްތަރުއާއި ޒޯޔާ އަޚްތަރު އެވެ. އެ ކައިވެނި ރޫޅުނީ 1985 ވަނަ އަހަރު އެވެ.

1984 ވަނަ އަހަރު ޖާވިދު ވަނީ ދެ އަންތްބަށް ބޮލީވުޑްގެ ތަރި ޝަބާނާ އާޒްމީއާ ކައިވެނި ކޮށްފަ އެވެ. ހަނީ ވަރި ކުރުމަށްފަހު މިހާރުވެސް ޖާވިދު އުޅެނީ ޝާބާނާއާ ކައިވެނި ކޮށްގެންނެވެ.