ދަޢުވާތަކާއި، ހައްޔަރުކޮށްފައި ނުވަތަ ބަންދުކޮށްފައި ތިބި މީހުންގެ ބަންދު މުރާޖަޢާކުރުމަށް އެދި ޕްރޮސެކިއުޓަރ ޖެނެރަލް (ޕީޖީ) އޮފީހަށް ހުށަހަޅަން ހުޅުވާލި ފުރުސަތުގައި 500 އަށްވުރެ ގިނަ މައްސަލަ ލިބިފައިވާކަމަށް އެ އޮފީހުން ބުނެފި އެވެ.

ޕީޖީ އޮފީހުން ދިން 20 ދުވަހުގެ މުއްދަތުގައި ލިބިފައިވަނީ 539 ޝަކުވާ ކަމަށާއި މި ޝަކުވާތައް މިހާރު މުރާޖައާކުރަމުންދާ ކަމަށް ޕީޖީ އޮފީހުން ބުނެ އެވެ.

ޕީޖީން ފުރުސަތު ހުޅުވާލީ ދައުވާ ކުރުމާ މެދު ނިންމާފައިވާ ނިންމުންތަކުގެ އިތުރުން ޖިނާއީ މައްސަލަތަކުގައި ތުހުމަތުކުރާ މީހުން ބަންދު ކުރުމާ މެދު އެ އޮފީހުން ނިންމާފައިވާ ނިންމުންތައް ވެސް ހިމެނޭ ގޮތަށް ޝަކުވާ ހުށަހެޅުމަށެވެ.

ކުރީގެ ނިންމުންތަކާ ގުޅޭ ގޮތުން އެކި ފަރާތްތަކުން ހުށަހަޅާ ޝަކުވާތައް ބަލައި މައްސަލަތައް އަލުން ރިވިއުކުރުމާ މެދު ގޮތެއް ނިންމުމަށް ޕީޖީގެ އެތެރޭގެ ކޮމިޓީއެއް އެކުލަވާލުމަށްފަހު ލިބޭ ޝަކުވާތަކާ ގުޅޭ ގޮތުން ގޮތް ނިންމާނީ އެ ކޮމިޓީން ބެލުމަށް ފަހު ކަމަށް ޕްރޮސިކިއުޓާ ޖެނެރަލް އައްބާސް ޝަރީފު ވަނީ ވިދާޅުވެފަ އެވެ. މި މައްސަލަތައް ނިންމިގޮތް ސަބަބާއެކު ހާމަކުރައްވާނެ ކަމަށްވެސް އައްބާސް ވަނީ ވިދާޅުވެފަ އެވެ.