ގާތްގަނޑަކަށް 30 އަހަރަށްފަހު ބޮލީވުޑްގެ ކާމިޔާބު ފިލްމު "ކަރަން އަރްޖުން" އަލުން ސިނަމާތަކުގައި އަޅުވަން އެ ފިލްމުގެ ޕްރޮޑިއުސަރުން ނިންމައިފި އެވެ.

މިކަން އިއުލާން ކުރަމުން ފިލްމުގެ އެއް ލީޑު އެކްޓަރު ކަމަށްވާ ސަލްމާން އޭނާގެ އިންސްޓަގްރާމްގައި ބުނެފައިވަނީ އަންނަ ނޮވެމްބަރު މަހުގެ 22 ވަނަ ދުވަހު "ކަރަން އަރުޖުން" އަލުން ސިނަމާތަކަށް އަންނާނެ ކަމަށެވެ.

"ފިލްމުގައި ރާކީ ބުނީ ރަނގަޅަށް. ކަރަންއާއި އަރްޖުން އަދި އަންނާނެ. ނޮވެމްބަރު 22ން ފެށިގެން ގައުމުގެ ގިނަ ސިނަމާތަކުން..." ސަލްމާން ބުނެފައިވެ އެވެ.

https://www.instagram.com/reel/DBqGCl5vrEj/?utm_source=ig_embed&ig_rid=f037f332-0649-4fda-b21c-2026e12a9074

1995 ވަނަ އަހަރު ރިލީޒް ކުރެވުނު "ކަރަން އަރްޖުން"އަކީ އެ ދާއިރާގެ އެންމެ ފުންނާބު އުސް ދެތަރިން ކަމަށްވާ ޝާހްރުކް ޚާންއާއި ސަލްމާން ޚާން ލީޑު ރޯލުން އެކުގައި ފުރަތަމަ ފެނުނު ފިލްމެވެ.

ރާކީ ގުލްޒާރު ވެސް ފެނިގެންދިޔަ އެ ފިލްމު ވެގެން ގޮސްފައިވަނީ އެކި ސަބަބުތަކަށްޓަކައި ބޮލީވުޑްގެ ތާރީހުގައި ފާހަގަ ކޮށްލެވޭ "ކްލެސިކް" ފިލްމަކަށެވެ.

އެގޮތުން ސަލްމާންއާއި ޝާހްރުކް ޚާން އެކުގައި ފެނުން ފިޔަވައި ވެސް ފިލްމުގެ ވާހަކައާއި ޑައިރެކްޝަން އަދި އާމްދަނީ އަކީ ވެސް "ކަރަން އަރްޖުން" ހާއްސަވާ ބައެއް ސަބަބުތަކެވެ.