މަރުގެ ދައުވާލިބޭ ލަމްހާ އަނެއްކާވެސް ކޯޓުން ދޫކޮށްލައިފި
ރާއްޖެ ބޮއިކޮޓް ކޮށްފައި ވަނިކޮށް އައި ތަރިން!
އޮކްޓޫބަރު މަހު މީރާއިން 1.73 ބިލިއަން ރުފިޔާ ބަލައިގަނެފި
އިންޑިއާގައި ވަރަށް ކުލަގަދަކޮށް ފާހަގަކުރާ ފެސްޓިވަލެއް ކަމަށްވާ ދިވާލީ ފާހަގަކުރުމަށް ބޮލީވުޑްގެ ބައެއް މަޝްހޫރު ތަރިން ރާއްޖެ އަތުވެއްޖެ އެވެ.
އެގޮތުން ބޮލީވުޑްގެ މަޝްހޫރު ޖޯޑް ކަމަށްވާ ކަރީނާ ކަޕޫރު އާއި ސައިފް އަލީ ހާންވެސް ދަނީ ރާއްޖޭގައި ޗުއްޓީ ހޭދަކުރަމުންނެވެ.
ކަރީނާގެ ދެމަފިރިން ދަރިންނާއެކު ރާއްޖެ އައިސްފައިވަނީ އޮކްޓޫބަރު މަހުގެ 30 ވަނަ ދުވަހު އެވެ. ކަރީނާ ވަނީ ރާއްޖޭގެ ހިތްގައިމު މާހައުލުގައި ހުރެ ނަގާފައިވާ ފޮޓޯ އަކާއެކު ދިވާލީގެ ތަހުނިޔާ އެންމެނަށް ފޮނުވާފަ އެވެ.
ކަރީނާގެ އިތުރުން ކުރީގެ ފިލްމީތަރި ސްރީދޭވީގެ ދެ ދަރިންކަމަށްވާ ޖާންވީއާއި ހުޝީ ކަޕޫރު ވެސް ރާއްޖޭގައި ޗުއްޓީ ހޭދަކުރުމަށްފަހު އިއްޔެގެ ވަގުތެއްގައި ވަނީ ފުރާފައި އެވެ. ޖާންވީ އާއެކު އޭނާގެ ލޯބިވެރިޔާ ޝިކަރު ޕަހަރިޔާ ވެސް ރާއްޖޭގައި އުޅުނެވެ.
އަދި ހުޝީގެ ލޯބިވެރިޔާ އަދި ބޮލީވުޑްގެ ޒުވާންތަރި ވެދަންގް ރައިނާވެސް އެމީހުނާއެކު ރާއްޖެ އައިސްފައިވެ އެވެ.
މީގެ އިތުރުން ސައިފް އަލީ ހާންގެ ދައްތަ ސޯހާ އަލީ ހާންއާއި އޭނާގެ ފިރިމީހާ ކުނާލް ކެންމޫ ވެސް ދަނީ ރާއްޖޭގައި ޗުއްޓީ ހޭދަކުރަމުންނެވެ. މީވެސް ބޮލީވުޑްގެ ފިލްމްތަށް ކުޅޭ ދެ ތަރިންކަން ފާހަގަކޮށްލެވެ އެވެ.
އިއްޔެގެ ވަގުތެއްގައި ބޮލީވުޑްގެ ތަރި އަކްޝޭ ކުމާރުވެސް ވަނީ ރާއްޖެ އައިސްފަ އެވެ. އެގޮތުން ރާއްޖޭ އެއާޕޯޓް މުވައްޒަފަކު ވަނީ އަކްޝޭ އާއެކު ނަގާފައިވާ ފޮޓޯއެއް ސޯޝަލް މީޑިއާގައި ހިއްސާކޮށްފަ އެވެ.
މި އަހަރު ކުރީކޮޅު ބޮލީވުޑްގެ ތަރިންނާއި އިންޑިއާގެ ޓޫރިސްޓުން ރާއްޖެ އައުން މަދުވި ނަމަވެސް، މިހާރު އަނެއްކާވެސް ބޮލީވުޑްގެ ތަރިން ދަނީ ރާއްޖޭގައި ޗުއްޓީ ހޭދަކުރުމަށް އަންނަމުންނެވެ.
