ބޮލީވުޑްގެ ތަރިންނަކީ އާއްމު ގޮތެއްގައިވެސް ބޮޑު އާމްދަނީއެއް ލިބޭ ތަރިން ތަކެކެވެ. ކޮންމެ ފިލްމަކަށް އެތައް ކްރޯޑް ރުޕީސްއެއް ނަގާއިރު އެންމެ އަގުބޮޑު ތަރިންގެ ތެރޭގައި އަންހެން ތަރިންވެސް ހިމެނެ އެވެ. މި ބަލާލަނީ ބޮލީވުޑްގެ އެންމެ މުއްސަނދި އަންހެން ތަރިންނަށެވެ.

އައިޝްވާރްޔާ ރާއީ

އައިޝްވާރިޔާއަކީ ގިނަ މަގުބޫލު ފިލްމުތަކެއް ކުޅެދީފައިވާ ފަންނާނެކެވެ. އަދި ބޮލީވުޑް އެންމެ މުއްސަދި ބަތަލާއިން ތެރޭގައި ހިމެނޭ ބަތަލާއެކެވެ. އެގޮތުން އައިޝްވަރިޔާގެ މިލިކިއްޔާތުގައި 828 ކްރޯޑް ރުޕީސް އެބަހުއްޓެވެ. އަދި އޭނާ ފިލްމަކަށް 10 ކްރޯޑް ރުޕީސް ނަގާ ކަމަށް ރިޕޯޓްތައް ބުނެ އެވެ.

ޕްރިޔަންކާ ޗޯޕްރާ

ޕްރިޔަންކާ ޗޯޕްރާ އަކީ ބޮލީވުޑާއި ހޮލީވުޑްގައިވެސް މަސައްކަތް ކުރަމުން އަންނަ ބަތަލާއެކެވެ. ބޮލީވުޑްގައި ގިނަ މަޝްހޫރު ފިލްމުތަކެއް ކުޅެފައިވާ ބަތަލާ ޕްރިޔަންކާގެ މިލިކިއްޔާތުގައި ހުރި މުދަލުގެ އަގަކީ 580 ކްރޯޑް ރުޕީސް އެވެ. ފިލްމު ކުޅުމުގެ އިތުރުން ޕްރިޔަންކާ އަންނަނީ ނިއުޔޯކުގައި ރެސްޓޯރެންޓެއް ހިންގަމުންނެވެ.

އާލިއާ ބަޓް

ބޮލީވުޑްގެ އެންމެ މަޝްހޫރު އެއް ބަތަލާއަކީ އާލިއާ ބަޓް އެވެ. ފިލްމު ކުޅުމުގެ އިތުރުން އަމިއްލަ ވިޔަފާރިއެއްވެސް ކުރާ އާލިއާގެ މިލިކިއްޔާތުގައި ހުރީ 557 ކްރޯޑް ރުޕީސް އެވެ.

ދީޕިކާ ޕަދުކޯން

ދީޕިކާގެ މިލިކިއްޔާތުގައި ހުރީ ގާތްގަނޑަކަށް 314 ކްރޯޑް ރުޕީސް އެވެ. ދިޕީކާ އަމިއްލަ ބްރޭންޑެއް ފަށާފައިވާއިރު، ސްޓާޓްއަޕްތަކަށް ވެސް އިންވެސްޓްކޮށްފައިވެ އެވެ.

އަނުޝްކާ ޝަރުމާ

އަނުޝްކާގެ މުދަލުގެ އަގު 255 ކްރޯޑް ރުޕީސް އަށް އަރާނެ ކަމަށް ލަފާކުރެވެ އެވެ. އޭނާގެ ބްރޭންޑް ނޫޝްގެ މާކެޓް ވެލިއު އަކީ 65 ކްރޯޑް ރުޕީސް އެވެ.

ކެޓްރީނާ ކައިފް

ކެޓްރީނާ ކައިފްގެ ސާފު މުދަލަކީ ގާތްގަނޑަކަށް 217 ކްރޯޑް ރުޕީސް އެވެ. އޭނާ ދަނީ އޭނާގެ ބްރޭންޑް ކޭ ބިއުޓީ ކާމިޔާބުކަމާއެކު ހިންގަމުންނެވެ.