ވިކީ ކައުޝަލްގެ ކެރިއަރުގެ ފުރަތަމަ ދުވަސްވަރު އޭނާއަށް ބޮލީވުޑްގެ ކާސްޓިން ޑިރެކްޓަރުންގެ ފުރައްސާރަ އަމާޒުވި ކަމަށް އޭނާގެ ބައްޕަ ޝާމް ކައުޝަލް ބުނެފި އެވެ.

ހިންދީ ފިލްމުތަކުގެ އެކްޝަން ޑައިރެކްޓަރެއްގެ ގޮތުގައި ގިނަ ދުވަސްތަކެއް ވަންދެން މަސައްކަތްކުރި ޝާމް ވަނީ އޭނާގެ ދަރިފުޅަށް ބޮލީވުޑްގައި ކުރިއަށް ދާން ކުރިިމަތިވި ގޮންޖެހުންތަކާ ބެހޭގޮތުން ވާހަކަ ދައްކާފަ އެވެ.

އެގޮތުން ޝާމް ބުނީފިލްމުތަކުގެ އޮޑިޝަންތަކަށް ވިކީ ދިއުމުން އޭނާއަށް ކުޑައިމީސްކޮށް ފުރައްސާރަކުރި ކާސްޓިން ޑިރެކްޓަރުން ވެސް އެބަތިބި ކަމަށެވެ

އެހެން ނަމަވެސް އަހަރުތަކުގެ ތެރޭގައި ވިކީ ވަނީ އޭނާގެ ހުނަރު އެންމެންނަށް ސާބިތު ކޮށްދީފައި ކަމަށާއި މިހާރު އެންމެން ވެސް އޭނާ ބޭނުންވާ ކަމަށް ޝާމް ބުންޏެވެ.

ފިލްމް "މަސާން"އިން ބޮލީވުޑަށް ތައާރަފްވި ވިކީގެ މަޝްހޫރު ފިލްމުތަކުގެ ތެރޭގައި "ރާޒީ"، "ޑަންކީ"، "ބޭޑް ނިއުޒް" އަދި "ސަންޖޫ" ހިމެނެ އެވެ.

ވިކީގެ ކުރިއަށް ހުރި ފިލްމުތަކަށް ބަލާލާއިރު އޭނާ ދެން އެންމެ އަވަހަށް ފެންނާނީ ރަޝްމިކާ މަންދަނާއާއި އަކްޝޭ ހަންނާއާއެކު "ޗާވާ" އިންނެވެ.