ބޮލީވުޑްގެ މަޝްހޫރު ދެ ތަރިން ކަމަށްވާ ބިޕާޝާ ބާސޫއާއި ކަރަން ސިންހް ގްރޯވަރްގެ ދަރިފުޅު ދޭވީ ބާސޫ ސިންހްގެ ދެވަނަ އުފަން ދުވަސް ރާއްޖޭގައި ފާހަގަކޮށްފި އެވެ.

ބިޕާޝާއާއި ކަރަން އެމީހުންގެ ދަރިފުޅު ދޭވީގެ އުފަން ދުވަސް ފާހަގަ ކުރަމުން އަންނަނީ ރާއްޖޭގެ ރިސޯޓެއް ކަމަށްވާ އޮޒެން ރިޒާވް ބޮލިފުށީގަ އެވެ.

އެގޮތުން އެ ރިސޯޓުގައި ދޭވީގެ އުފަން ދުވަސް ފާހަގަކުރަން ބޭއްވި ޕާޓީގެ ބައެއް ވީޑިއޯތައް މިހާރު ބިޕާޝާ ވަނީ ސޯޝަލް މީޑިއާގައި ހިއްސާކޮށްފަ އެވެ.

https://www.instagram.com/reel/DCQ_9kNSvEB/?igsh=NXB4bDBnMm9sOWtj

އޭގެ އިތުރުން ބިޕާޝާއާއި ކަރަން ދޭވީގެ އުފަން ދުވަސް ފާހަގަ ކުރުމުގެ ގޮތުން ބޮލިފުށީގައި ނަގާފައިވާ އާއިލީ ވީޑިއޯއެއް ވެސް އިންސްޓަގްރާމްއަށް ލާފައިވެ އެވެ.

2016 ވަނަ އަހަރު ކައިވެނިކުރި ބިޕާޝާއާއި ކަރަންއަށް ދޭވީ ލިބުނީ ކައިވެންޏަށް ހަ އަހަރު ފަހުން 2022 ވަނަ އަހަރުގެ ނޮވެމްބަރު 12 ވަނަ ދުވަހު އެވެ.

ދޭވީ އުފަންވިއިރު އޭނާގެ ހިތުގައި ދެ ލޯވަޅު ހުރި ކަމަށް ބިޕާޝާ ހާމަކުރިއިރު ދޭވީގެ އުމުރުން އެންމެ ތިން މަހުގައި ހިތުގެ ސާޖަރީއެއް ކޮށްފައިވެ އެވެ.