ހިއުމަނޮއިޑް އާޓިފިޝަލް އިންޓެލިޖެންސް ރޮބޮޓެއް ކުރަހާފައިވާ ކުރެހުމެއް ނީލަމުގައި އެއް މިލިއަން ޑޮލަރަށް ވުރެ ބޮޑު އަގަކަށް ވިއްކާލައިފި އެވެ.

އައިޑާ ނަމަކަށް ކިޔާ އެ ރޮބޮޓް ކުރަހާފައިވަނީ 20 ވަނަ ގަރުނުގައި އުޅުނު މަޝްހޫރު ހިސާބު އަދި ކޮމްޕިއުޓަރު އިލްމުވެރިއެއް ކަމަށްވާ އެލަން ޓާނާގެ ކުރެހުމެކެވެ.

ނީލަމުގައި އެ ކުރެހުމަށް ލިބޭނެ ކަމަށް ލަފާ ކުރެވުނީ 100،000 ޑޮލަރު ނަމަވެސް އެންމެ ފަހުން ކުރެހުން ވިކިފައިވަނީ 1،084،800 އެމެރިކާ ޑޮލަރަށެވެ.

އައިޑާ އުފައްދާފައިވަނީ އެލަންގެ ތަސްވީރުތައް އާޓިފިޝަލް އިންޓެލިޖެންސް ބޭނުންކޮށްގެން އަމިއްލައަށް ދެނެގަނެ ކުރެހުމެއްގެ ސިފައިގައި އެ ޕްރިންޓް ކުރެވޭނެ ގާބިލުކަމާއެކުގަ އެވެ.

އެގޮތުން އައިޑާގެ ލޮލުގެ ގޮތުގައި މަސައްކަތްކުރާ ދެ ކެމެރާއިން އެލަންގެ ސޫރަ ދެނެގަނެ އެ ސޫރައިގެ ކުރެހުމެއް ތިން ކުރެހުމެއް އޭނާ ކުރެހި އެވެ.

އައިޑާގެ ކުރެހުން ވިކުމާއެކު އެ ކުރެހުން ވެފައިވަނީ ރޮބޮޓެއް ކުރަހާފައިވާ ކުރެހުމެއް ބޮޑު ނީލަމެއްގައި ވިކުނު ފުރަތަމަ ފަހަރަށެވެ.