މެންބަރު އައިބީ ދެ އަންބަށް މީހަކާ އިނުމުން ގެއިން ބޭރުކޮށްލައިފި
އެންޖެލީނާ ފަންޑިތަ ހަދާ ކަމަށް ބުނެފި
އިޒްރޭލު ޕާސްޕޯޓް މަނާކުރާ ގަރާރަށް ބަހުސް ކޮށްފި
ޕާޓީ ބަދަލުކުރުމުން ނުވަތަ ޕާޓީން ވަކިކުރުމުން މަޖިލިސް މެންބަރުންގެ ގޮނޑިގެއްލޭގޮތަށް ގާނޫނުއަސާސީ އިސްލާހު ކުރަން ސަރުކާރުން މިއަދު މަސައްކަތް ކުރަމުންދާތީ މަޖިލިސް އިދާރާ ކައިރިއަށް އިދިކޮޅު އެމްޑީޕީން އެއްވެ މުޒާހަރާ ކުރަމުން ދަނިކޮށް ކުރާ ޕީއެންސީގެ ސިޔާސީ މަގާމުތަކުގައި ތިބި ބަޔަކު ވަދެގަނެ ހަމަނުޖެހުން ހިންގައިފި އެވެ.
އެއްވުމުގެ ތެރެއިން އެ ސަރަހައްދުގައި އަމަން ބަލަހައްޓަމުންދިޔަ ފުލުހަކަށް ވެސް ވަނީ އަނިޔާވެފަ އެވެ.
އެެމްޑީޕީން ހުށަހަޅާފައިވާ އިސްލާހުތަކާއި ދެކޮޅަށް އަޑުއުފުލަމުން ދާއިރު ޕީއެންސީގެ މެންބަރުން ގޮވަމުންދަނީ ގާނޫނުއަސާސީއަށް ހުށަހަޅާފައިވާ އިސްލާހުތައް ފާސް ކުރުމަށެވެ.
ސަރުކާރުން މިއަދު ހުށަހަޅާފައިވަނީ މެންބަރުން ޕާޓީ ބަދަލުކުރުމުން ނުވަތަ ޕާޓީން ވަކިކުރުމުން ނުވަތަ އެހެން ޕާޓީއަކަށް ގުޅުމުން ވަގުތުން ގޮނޑި ގެއްލޭ ގޮތް ހެދުމަށާއި ރާއްޖޭގެ ސަރަހައްދުން ބައެއް ދޫކޮށްލެވޭނީ ރައްޔިތުންގެ މަޖިލީހުން ފާސްކޮށްގެން ކަމަށް ހެދުމުގެ އިތުރުން ރާއްޖޭގައި ބޭރު ގައުމެއްގެ އެއްވެސް އަސްކަރީ ބަޔަކަށް ތިބެވޭނީ މަޖިލީހުން ފާސްކޮށްގެން ކަމަށް ބަދަލުކުރުމަށެވެ.
ސަރުކާރުގެ ފަރާތުން މި އިސްލާހުތައް ހުށަހެޅުއްވީ ހުޅުދޫ ދާއިރާގެ މެންބަރު މުހައްމަދު ޝާހިދެވެ.
ސަރުކާރުން ގާނޫނުއަސާސީ އިސްލާހުކުރަން މިއަދު ހުށަހަޅާފައިވާ ބިލުގެ މަސައްކަތް ނިންމަން ރައްޔިތުންގެ މަޖިލީހުގެ، މުޅި މަޖިލީހުގެ ކޮމިޓީއަށް ފޮނުވުމުން ދެންމެ ވަނީ ކޮމިޓީން ފާސްކޮށްފަ އެވެ. އެ އިސްލާހު މިއަދުން މިއަދަށް ފާސްކުރުމަށް މިއަދު ހަވީރަށް ވަނީ މަޖިލިސް ޖަލްސާއެއް އެޖެންޑާކޮށްފަ އެވެ.
މެންބަރުން ކަސްތޮޅު އަޅާ ހިފެހެއްޓުމަށް ޕީއެންސީން މަސައްކަތް ކުރަމުންދާއިރު، މިއަދު މަޖިލީހުގައި ނެގި އިޒްރޭލު ޕާސްޕޯޓް މަނާކުރުން އަވަސް ކުރުމަށް ގޮވާލާ ގަރާރަށްވެސް ޕީއެންސީއާ ދެކޮޅަށް މެންބަރު އަހުމަދު ތޯރިގް ވަނީ ވޯޓް ދެއްވާފަ އެވެ. އަދި ބައެއް ޕީއެންސީ މެންބަރުން ވޯޓުގައި ބައިވެރިނުވާކަންވެސް ފާހަގަކޮށްލެވެ އެވެ.
