ބްރެޒިލްގައި 2014 ވަނަ އަހަރު އޮތް ވޯލްޑް ކަޕްގައި އީރާންގެ ގައުމީ ޓީމަށް ކުޅުނު ޑިފެންޑަރެއް ކަމަށްވާ މެހެރްދާދް ޕުލާދީ ކްލަބު ވެލެންސިއާ އިން ގެނެސްފި އެވެ.

ބްރެޒިލްގައި 2014 ވަނަ އަހަރު އޮތް ވޯލްޑް ކަޕްގައި ޕުލާދީ ވަނީ އީރާން ކުޅުނު ތިން މެޗުގައި ވެސް ފުރަތަމަ 11ގައި ކުޅެފަ އެވެ.

ޕުލާދީ އެންމެ ފަހުން ކުޅުނު ގަތަރުގެ ދެވަނަ ޑިވިޝަންގެ ކްލަބަކަށެވެ. އޭގެ ކުރިން އޭނާ ވަނީ ތައިލޭންޑްގެ ބެންގްކޮކް ޔުނައިޓަޑާއި އީރާންގެ ވަރުގަދަ ކްލަބެއް ކަމަށްވާ ޕެރްސެޕޮލިސް އަށް ކުޅެފަ އެވެ.

ކްލަބު ވެލެންސިއާ އިން ވަނީ ސްޕެއިންގެ ފޯވަޑެއް ގެނެސްފަ އެވެ.

މި ސީޒަންގެ ދެވަނަ ޓްރާންސްފާ މުއްދަތު މާޗު މަހުގެ 15 އަށް ހަމަވަވިއިރު، އެންމެ ބޮޑު ބަދަލެއް ގެނެސްފައިވަނީ މާޒިޔާ އިންނެވެ. އެ ޓީމުން ވަނީ ސާބިއާގެ ގޯލްކީޕަރު ނިކޮލާ ވުޖާނަކާއި ޑިފެންޑަރު ޕީޓާ ޕްލަނިޗް ވަނީ ދޫކޮށްލައިފަ އެވެ. މީގެ އިތުރުން މުޖުތާޒް މުހައްމަދު (މުޖޭ) އާއި އަބްދުﷲ ޖުނައިދު (ޖެންނޭ) ވަނީ ލޯނު އެއްބަސްވުމެއްގެ ދަށުން ސުޕަ ޔުނައިޓަޑް ސްޕޯޓްސް އަށް ދޫކޮށްލައިފަ އެވެ.