މޭޒު ދޮށުގެ ވަޒީފާތައް ނުވަތަ "ޑެސްކް ޖޮބްސް"އަކީ މިއަދު ވަޒީފާގެ ބާޒާރުގައި އެންމެ އާއްމު ވަޒީފާތަކެވެ. އެހެން ނަމަވެސް ދުވާލަކު 8 ގަޑިއިރު މޭޒެއް ކައިރީގައި އިންނަންޖެހޭ މި ވަޒީފާތަކުން ސިއްހަތަށް ގިނަ ގެއްލުންތަކެއް ވެސްވެ އެވެ.

އެންމެ ފުރަތަމަ ކަމަކަށް ގިނައިރު، ވަންދެން ލެޕްޓޮޕްގައި މަސައްކަތް ކުރާނަމަ ކަރުގެ މަސްތަކާއި ނާރުތަކަށް ވާންވެ ނާރުގެ މައްސަލަތައް ޖެހުމުގެ ފުރުސަތު ބޮޑުވެ އެވެ.

ހަމައެއާއެކު ލެޕްޓޮޕް އަދި މޮބައިލް ސްކްރީނުން އުފައްދާ ބްލޫ ލައިޓްސްގެ ސަބަބުން ހަމަށް ބަދަލު އައުމަށް މެދުވެރިވެ އެވެ. އެގޮތުން ހަމަށް ރޫއަރައި، ކުރަކިވުމަކީ މާގިނައިން ލެފްޓޮޕް ބޭނުންކުރާ ނަމަ ކުރިމަތި ވެދާނެ ކަންކަމެވެ.

މީގެ އިތުރުން މެދުނުކެނޑި ގިނައިރުތަކެއް ވަންދެން ލެޕްޓޮޕް ސްކްރީނަށް ބަލަން އިނުމަކީ ލޮލުގެ ފެނުމަށް ވެސް އަސަރުކުރާ ކަމެއްކަން ޑޮކްޓަރުން އަބަދުވެސް ހާމަކުރެ އެވެ.

އެއްތަނެއްގައި އެއް ގޮތަކަށް ގިނައިރު އިށީނދެގެން އިނުމަކީ މައިބަދައިގެ މައްސަލަތަކަށް މަގުފަހިވެ ބުރަކަށީގެ ރިހުންތަކަށް ވެސް ހުޅުވޭ ފަހި ފުރުސަތެކެވެ.

މޭޒުދޮށު ވަޒީފާތަކުގައި އުޅޭ މީހުން ރެއާ ދުވާލު ހަރަކާތްތެރިވެ އުޅުން މަދުވުމާއެކު ފަލަބައްޔަށް މަގުފަހިވުމަކީ ވެސް އެފަދަ ވަޒީފާތަކުން ސިއްހަތަށް ލިބޭ ގެއްލުމެކެވެ.

އެހެން ކަމުން މޭޒުދޮށު ވަޒީފާއެއްގައި އުޅޭނަމަ ސިއްހަތަށް އިތުރަށް ފަރުވާތެރިވެ ކެއުމަށާއި ހަރަކާތްތެރިވެ އުޅުމަށް އިސްކަން ދިނުމަކީ މުހިއްމު ކަމެކެވެ.