ދަރިން ބަލަން މީހަކާ ހަވާލު ނުކުރާނެ ކަމަށް މިފަހުން އަލަތު ދަރިފުޅު ވިހެއި ބޮލީވުޑްގެ މަޝްހޫރު ތަރި ދީޕިކާ ޕަދުކޯން ބުނެފި އެވެ.

ވިހެއުމަށްފަހު ފުރަތަމަ ފަހަރަށް މީޑިއާއަށް ދިން އިންޓަވިއުއެއްގައި ދީޕިކާ ބުނީ އޭނާގެ ދަރިފުޅު ދުއާ ތަރުބިއްޔަތު ކުރާނީ އޭނާ އަމިއްލައަށް ކަމަށެވެ.

"ކާލްކީ (ދީޕިކާގެ ފިލްމު)އަށް މަޑު ކުރެވިދާނެ. އަހަރެން މިވަގުތު ބޭނުމީ އަހަރެންގެ ހުރިހާ ވަގުތެއް ދަރިފުޅަށް ދޭން" ދީޕިކާ ބުންޏެވެ.

ދީޕިކާ މިހެން ބުނެފައިވަނީ ބޮލީވުޑްގެ ގިނަ އަންހެން ތަރިން ވިހެއުމަށްފަހު ކުޑަ ދުވަސްކޮޅެއްގެ ތެރޭގައި މަސައްކަތަށް ނުކުންނަމުން އަންނަ ދަނޑިވަޅެއްގަ އެވެ.

އެގޮތުން އާލިއާ ބަޓް ވެސް ވަނީ އޭނާގެ ދަރިފުޅު ރަހާ ވިހެއުމަށްފަހު މާ ގިނަދުވަހެއް ނުވެ ފިލްމީ މަސައްކަތްތަކަށް އަލުން ގުޅިފަ އެވެ.

ދީޕިކާ އެންމެ ފަހުން ފެނިގެން ގޮސްފައިވަނީ ކާލްކީ 9828 އިންނެވެ. އެ ފިލްމުގެ ދެވަނަ ބައެއްގެ މަސައްކަތް ވެސް އޮތީ ކުރިއަށް ރޭވިފަ އެވެ.