ވިލާ ހަކަތައިން ކުރަމުން އަންނަ ސިނާއީ ވިޔަފާރީގައި ފުޅާ ހިދުމަތަށް ކާމިޔާބު 25 އަހަރު ފުރުން ފާހަގަކޮށްފި އެވެ.

ވިލާ ޝިޕިން އެންޑް ޓްރޭޑިންގެ ސަބްސިޑަރީއެއްގެ ގޮތުުގައި 2000 ވަނަ އަހަރު އުފެއްދި ވިލާ ހަކަތައަކީ ލިކުއިޑް ޕެޓްރޯލިއަމް ގޭސް (އެލްޕީޖީ)، ސިމެންތި، ފިއުލް، ޝެލް ލުބްރިކަންޓްސް، އިމާރާތްކުރަން ބޭނުންވާ ސާމާން އަދި އެކިއެކި ސިނާއީ ސާމާނުގެ ވިޔަފާރިއަށް ހާއްސަވާ ކުންފުންޏެކެވެ. މިދިޔަ 25 އަހަރު އެ ކުންފުނިން ހޯދި ކުރިއެރުމުން ދައްކައިދެނީ މަސައްކަތުގެ ފެންވަރާއި އާއްމުން އިތުބާރު ލިބިފައިވާ މިންވަރެވެ.

އާދައިގެ ފެށުމަކުން އިންޑަސްޓްރީގެ ކުރީ ސަފަށް

ވިލާ ޝިޕިން އެންޑް ޓްރޭޑިން ކޮމްޕެނީ ޕްރައިވެޓް ލިމިޓެޑްގެ ސަބްސިޑަރީ ކުންފުންޏެއްގެ ގޮތުގައި 2000 ވަނަ އަހަރު އުފެދުނު ވިލާ ހަކަތައަކީ ރާއްޖޭގެ އިފްތިސާދީ އިންޖީނަށް ބޭނުންވާ ހަކަތަ ފޯރުކޮށްދޭ ކުންފުންޏަކަށް ވަނީ ހަދައިފަ އެވެ. ގައުމު ތަރައްގީކުރުމުގެ ހިތްވަރުގަދަ ވިސްނުމަކާއެކު އެންމެ ބޮޑު ގްރީން ފީލްޑް ސްޓޯރޭޖް އެންޑް ޑިސްޓްރިބިއުޝަން ފެސިލިޓީގެ ގޮތުގައި އެ ކުންފުނިން ވަނީ ޒަމާނީ އިންފްރާސްޓްރަކްޗާއެއް ބިނާކޮށްފަ އެވެ. މިގޮތުން ތިލަފުށީގައި ހެދި ރާއްޖޭގެ އެންމެ ބޮޑު އެލްޕީޖީ ސްޓޯރޭޖް އެންޑް ރީފިލިން ޕްލާންޓް ވެސް ހިމެނެ އެވެ.

ތިލަފުށީގައި ވިލާ ސިމެންތި ބަންދުކުރާ ކާރުޚާނާ.

އެންމެ ޒަމާނީ އޮޕަރޭޝަންތައް

  • އެލްޕީޖީ - ޒަމާނީ ރޯޓަރީ ފިލިން ސްޓޭޝަންތަކުން ރާއްޖޭގެ އެކި ކަންކޮޅުތަކުގައިވާ ގޭބިސީތަކާއި ވިޔަފާރިތަކަށް މި ހިދުމަތް ކަށަވަރުކޮށްދޭ

  • އީޖާދީ ސިމެންތި - ވިލާ ހަކަތައިގެ ބިޔަ 8 ސައިލޯއިން 16،000 މެޓްރިކް ޓަނުގެ ސިމެންތި ރައްކާކުރެވޭ؛ އަދި އޮޓޮމޭޓަޑް ޕެކިން ޕްލާންޓްތަކުން ސިމެންތި އުފައްދާ

  • ޝެލް ލުބްރިކެންޓްސް - ޝެލް ބްރޭންޑުގެ ރާއްޖޭގެ އެކްސްކްލޫސިވް ޑިސްޓްރިބިއުޓަރުގެ ގޮތުގައި އުޅަނދުފަހަރާއި މެޝިނަރީތަކަށް ބޭނުންވާ ފެންވަރު ރަނގަޅު ލުބްރިކެންޓްތައް ވިލާ ހަކަތައިން ފޯރުކޮށްދޭ

އައިއެސްއޯ ސެޓިފައިޑް އޮޕަރޭޝަންސް

ތިލަފުށީގައި ހިންގާ ވިލާ ހަކަތައިގެ އޮޕަރޭޝަންތަކަކީ މިހާރު އައިއެސްއޯ ސެޓިފައިޑް، އެންމެ މަތީ މިންގަނޑުތު ހިފަހައްޓައި ކަށަވަރުކޮށްދޭ ތަންތަނެވެ. މިގޮތުން ކޮލިޓީ، ސޭފްޓީ އަދި ތިމާވެށީގެ ސްޓެވާޑްޝިޕްގެ މިންގަނޑުތައް ދަމަހައްޓައި މި ސެޓިފިކޭޝަނަކީ ވަރަށް ބޮޑު ކާމިޔާބީއެއް ކަމަށް އެ ކުންފުނިން ދެކެ އެވެ.

https://www.instagram.com/p/C47YR7usdyl/?img_index=1

ޕާފޯމަންސް ދާއިރާއިން އެވޯޑު ހާސިލްކުރި

2023 ވަނަ އަހަރު އެމްއެންއޭސީއައި ބިލްޑާސްގެ "ސިމެންތި ސަޕްލަޔަ އޮފް ދަ އިޔާ" ގެ އެވޯޑް ވިލާ ހަކަތާ އަށް ލިބިފައިވެ އެވެ. މި އެވޯޑުން ދައްކުވައިދެނީ އިމާރާތްކުރުމުގެ އިންޑަސްޓްރީގެ ތެރޭގައި އެ ކުންފުންޏާމެދު އުފެދިފައިވާ އިތުބާރެވެ.

https://www.instagram.com/p/C3M-sb8LIb7/

މުޖުތަމައު އަދި މުވައްޒަފުންގެ ކުރިއެރުމަށް އިސްކަންދޭ

ވިލާ ހަކަތާގެ ކާމިޔާބީގެ ބޮޑު ބައެއްގައި އެ ކުންފުނީގެ މުވައްޒަފުންނާއި އާއްމުން ހިއްސާކުރެ އެވެ. އެ ކުންފުނިން އަންނަނީ ޓީމްތަކަށް ތަމްރީނާއި ތަރައްގީގެ ޕްރޮގްރާމްތައް ހިންގައި، ފެންވަރު ރަނގަޅު ޓީމުތައް އުފެއްދުމަށް ބޮޑު ހޭދައެއް ކުރަމުންނެވެ.

މިފަހުން ހިންގި ހަރަކާތްތައް: ކަސްޓަމާ ސާވިސް ފުޅާކުރުމަށް ހިންގި ޕްރޮގްރާމްތައް، ފެންވަރު ރަނގަޅު ހިދުމަތެއް ފޯރުކޮށްދޭން ސޭލްސް ޓީމްތައް ބާރުވެރިކުރުވުން.

ޝެލް ލުބްރިކަންޓްސް ޓްރެއިނިން: ކަސްޓަމަރުންގެ ބޭނުންތައް ފުއްުދުމަށް އެންމެ މަތީ މައުލޫމާތު ލިބިފައިވާ މަންދޫބުންނާ ބައްދަލުކުރެވޭނެ އިންތިޒާމް ހަމަޖެއްސުން

ލީޑަޝިޕް ވޯކްޝޮޕްތައް: އޮޕަރޭޝަނަލް އެފިޝަންސީ އިތުރުކުރުމަށް ކައިޒެން އިންސްޓިޓިއުޓާއެކު ޕާޓްނަޝިޕް ހެދުން.

ކުންފުނީގެ ތެރޭގައި ހިންގާ ޕްރޮގްރާމްތަކުގެ އިތުރުން ބޭރުން ވިލާ ހަކަތައިން ހޮޓެލިއާ ފަދަ ބޮޑެތި އިވެންޓްތައް ސްޕޮންސާ ކުރެއެވެ. އަދި މޯލްޑިވްސް ޖީއެމް ފޯރަމް، މެރިން އެކްސްޕޯ، ފުޑް އެންޑް ބެވަރޭޖް އެކްސްޕޯ އަދި ލިވިން އެކްސްޕޯގައި ބައިވެރިވެ އިތުރު ޔަގީން ކަމެއް ގެނެސްދެ އެވެ.

https://www.instagram.com/p/DAQet2xM1sg/?img_index=1

އަންނަން އޮތް ޖީލަށް ފޯރުކޮށްދެނީ

ވިލާ ހަކަތަ އިން ގަބޫލުކުރާ ގޮތުގައި މުސްތަގުބަލުގެ ކާމިޔާބީ ހިންގުންތެރިންގެ ގޮތުގައި ޒުވާނުންގެ ގާބިލުކަން އެބަހުއްޓެވެ.

  • ޔޫތު ސްކިލްސް ޑޭ 2024 - ވިލާ ކޮލެޖާ ގުޅިގެން ހިންގި މި ހަރަކާތުގައި ތަފާތު އެކި ގޭމްތަކާއި ވޯކްޝޮޕްތަކުގެ ތެރެއިން ދަރިވަރުންނަށް ކެރިއާ ޕާތުތައް ހިޔާރުކުރުމާ ބެހޭ މުހިންމު މައުލޫމާތު ހިއްސާކުރި

    https://www.instagram.com/p/DAVIbRMM46k/?img_index=1

  • ތިލަފުށި އެކްސްޕޯޝާ ޓްރިޕްސް - މި ދަތުރުގައި ވިލާ ކޮލެޖުގެ ދަރިވަރުންނަށް މެޝިނަރީ ބޭނުންކުރާނެ ގޮތް ތަޖުރިބާކޮށްލުމުގެ ފުރުސަތާއި ފިއުލް ޕްރޮސެސިން ފެސިލިޓީތަކުގެ ޓުއާއަކާއި ސިނާއަތުގެ މުހިންމު މައުލޫމާތު ވަނީ ދީފައި.

މީގެ އިތުރުން ހާއްސަ އިސްކަމެއްގެ ދަށުން އެ ކުންފުނީގެ ސީއެސްއާރުގެ ދަށުން ކުޑަކުދިންގެ ދުވަހު އަމާން ވެށީގައި ހުނަރު ދަސްކޮށްދޭ ވޯކްޝޮޕެއް ވަނީ ކުރިއަށްގެންގޮސްފަ އެވެ.

މުސްތަގްބަލަށް ކުރާ އުންމީދު

https://www.instagram.com/p/C6_H0j-Rliu/?img_index=6

އުފެއްދުންތެރިކަމާއި ކުރިއެރުމާއި އިތުބާރުގެ މައްޗަށް އެކުލެވޭ 25 އަހަރުގެ ދަތުރަކަށް ފަހު ވިލާ ހަކަތައިން އުންމީދު ކުރަނީ، އެ ކުންފުނީގެ އޮފިޝަލަކު ވިދާޅުވި ގޮތުގައި އެ ކުންފުނީގެ އޮޕަރޭޝަންތައް އިތުރަށް ފުޅާކޮށް، ދެމެހެއްޓެނިވިކަން ކަށަވަރުކޮށް، އިތުރަށް ވަަރުގަދަ ކުރުމަށެވެ. މި ދަތުރުގައި ބައިވެރިވުމުގެ ދައުވަތު ވެސް އެ ކުންފުނިން ވަނީ ޒުވާނުން ދީފަ އެވެ.