2007 ވަނަ އަހަރު ނުކުތް ބޮލީވުޑްގެ ކާމިޔާބު ހޮރޯ ކޮމެޑީ ފިލްމު "ބޫލް ބުލައްޔާ"ގައި އެންމެ މުހިއްމު ރޯލުން ފެނުނު ތަރިއަކީ އަކްޝޭ ކުމާރެވެ.

އެހެން ނަމަވެސް އެ ފިލްމުގެ ދެވަނަ ބައި އަދި ތިންވަނަ ބައިން އަކްޝޭ ނުފެނުމަކީ ގިނަ ބަޔަކު މާޔޫސް ކުރުވި ކަމެކެވެ. އެ ފިލްމުތަކުގެ ލީޑު ރޯލުން ފެނުނީ ޒުވާން ތަރި ކާތިކް އާރްޔަން އެވެ.

"ބޫލް ބުލައްޔާ" 2 އަދި 3 ން އަކްޝޭ ނުފެނުނީ ކީއްވެގެންތޯ ސުވާލު ކުރާ މީހުންގެ ސުވާލުތަކަށް އަކްޝޭ މިވަނީ އެންމެ ފަހުން ޖަވާބު ދީފަ އެވެ.

ދާދި ފަހުން އޮތް މީޑިއާ ޝޯއެއްގައި ކުރެވުނު ސުވާލަކަށް ޖަވާބު ދެމުން އަކްޝޭ ބުނީ އޭނާ "ބޫލް ބުލައްޔާ"ގެ ފިލްމުތަކުން ބޭރުކޮށްލާފައިވާ ކަމަށެވެ.

އެއާއެކު އަކްޝޭއާއި އެ ފިލްމުގެ ޕްރޮޑިއުސަރު ޕްރިޔަދަރްޝަންއާ ދެމެދު މައްސަލަ ޖެހިފައިވާ ކަމަށް މީޑިއާގައި ދަނީ އަޑު ފެތުރެމުންނެވެ.

އަކްޝޭގެ އެހެން މަސައްކަތްތަކަށް ބަލާއިރު އޭނާ އެންމެ ފަހުން ފެނިގެން ގޮސްފައިވަނީ އިންޑިއާ-ޕާކިސްތާނުގެ ކުރިމަތިލުމެއް ފެންނަ އެކްޝަން ފިލްމު "ސްކައި ފޯސް" އިންނެވެ.