އެނިމަލްގެ ތަރި ތުރިޕްތީ ރާއްޖޭގައި

ހިންދީ ފިލްމު އެނިމަލް އިން މަގްބޫލުކަން ހޯދި ބޮލީވުޑްގެ މަޝްހޫރު ތަރި، ތުރިޕްތީ ދިމްރީ ރާއްޖޭގައި ޗުއްޓީ ހޭދަކުރަމުން އެބަ ގެންދެ އެވެ.

ތުރިޕްތީގެ ޗުއްޓީއާ ގުޅިގެން އިންސްޓަގްރާމްގެ ސްޓޯރީތަކުގައި ދަނީ ރާއްޖޭގެ ހިތްގައިމު މަންޒަރުތައް ހިއްސާކުރަމުންނެވެ. އޭނާ ޗުއްޓީ ހޭދަކުރުމަށް ރާއްޖެ އައިސްފައިވަނީ އިއްޔެގެ ވަގުތެއްގަ އެވެ. ޗުއްޓީ ހޭދަކުރަމުން އަންނަނީ ކުޑަވިލިނގިލީގަ އެވެ.

ތުރިޕްތީގެ ކުރިއަށްހުރި މަސައްކަތްތަކަށް ބަލާއިރު، އޭނާ މިހާރު ތައްޔާރުވަމުން ދަނީ ގިނަ ބަޔަކު އިންތިޒާރުކުރަމުންދާ "ދަޑަކް 2" ގެ ރިލީޒަށެވެ. އޭނާގެ ދެން އަންނަ ފިލްމުގައި އޭނާ ފެންނާނީ ސިދާންތް ޗަތުރްވެދީއާ އެކު ލޯބީގެ ރޯލެއްގަ އެވެ. ފުރަތަމަ މި ފިލްމު ރިލީޒްކުރަން ހަމަޖެހިފައި އޮތީ 2024 ވަނަ އަހަރުގެ ނޮވެމްބަރު 22 ވަނަ ދުވަހު ނަމަވެސް، މިހާރު ވަނީ ލަސްކުރެވިފަ އެވެ. "ދަޑަކް 2" ގެ އާ ރިލީޒް ތާރީހެއް މިހާތަނަށް އިއުލާނުކޮށްފައެއް ނުވެ އެވެ.

މީގެ އިތުރުން، ތުރިޕްތީ ވަނީ އިމްތިޔާޒް އަލީގެ ދެން އަންނަ ފިލްމު "ދަ އިޑިއަޓް އޮފް އިސްތަންބުލް" ގެ ލީޑް ރޯލަށް ހޮވިފަ އެވެ. ފަހަދު ފާޒިލް މައި ލީޑް ރޯލުގައި ފެންނަ މި ޕްރޮޖެކްޓަކީ އޭނާގެ ބޮލީވުޑް ޑެބިއު އެވެ.

މީގެ އިތުރުން، ތުރިޕްތީ އަނުރާގް ބާސުގެ "އާޝިޤީ 3" ގައި ކާރްތިކް އާރްޔަންއާ އެކު މަސައްކަތްކުރުމާ ބެހޭގޮތުން މަޝްވަރާކުރަމުންދާ ކަމަށް ރިޕޯޓްތައް ބުނެ އެވެ.