މިއަހަރުގެ ރޯދަ މަލާފަތުގައި އަޅުގަނޑުމެން މި ގެނެސްދެނީ ދިވެހިވަންތަ ދިވެހިންގެ ރަހަތަކެވެ. އެގޮތުން މިއަދު ވެސް މިއޮތީ އެފަދަ ކެއުމެކެވެ.
މަސް ފެނަކީ ދިވެހި ކެއުމެއްގައި ހުރުން އެންމެ އެކަށޭނަ އެއް ލައިގެން ކާ ކެއުމެވެ. ފަސޭހައިން ތައްޔާރު ކޮށްލެވޭ މި ކެއުން ބަތް ނުވަތަ ރޮށްޓާއެކު ވެސް ބޭނުން ކުރެވިދާނެ އެވެ.
ބޭނުންވާ ތަކެތި
- 1 ގަނޑު ވަޅޯމަސް (ކުދިކޮށް ކޮށާފައި)
- 1 ފިޔާ (ތުނިކޮށް ކޮށާފައި
- 1 ލުނބޯ
- 6 ހިކަނދި ފަތް (ކުދިކޮށް ކޮށާފައި)
- 2 ސައި ސަމުސާ މުގުރި އަސޭ މިރުސް
- 2 ޖޯޑު ކާށިކިރު
- ލޮނު (ރަހަ ލާވަރަށް)
ތައްޔާރު ކުރާނެ ގޮތް
- އެންމެ ފުރަތަމަ ފިޔާކޮޅާއި ހިކަނދި ފަތާއި ލުނބޯ އަދި އަސޭމިރުސް އެއްކޮށް ރަނގަޅަށް މޮޑެލާށެވެ.
- އެއަށްފަހު ކޮށާފައިހުރި ވަޅޯމަސް ކޮޅު އަޅައި ރަނގަޅަށް ޗަސްކޮށް މޮޑެލާށެވެ.
- ދެން ކިރު ކޮޅު އަޅައި އެއްކޮށްލުމަށްފަހު ލޮނު ހެޔޮވަރު ކޮށްލާށެވެ.