ސ. ހިތަދޫ އާރިކިޅިގައި މަރުވެފައި އޮތް ބިދޭސީއަކު މިއަދު ހެނދުނު ފެނިއްޖެ އެވެ.

ފުލުހުން ބުނީ އާރިކިޅިގައި މީހަކު ހަބަރު ހުސްވެފައި އޮތްކަމުގެ މައުލޫމާތު ލިބުނީ މިއަދު ހެނދުނު 9:33 ގައި ކަމަށެވެ.

އެ މީހާ އައްޑޫ އިކުއެޓޯރިއަލް ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް ހޮސްޕިޓަލާ ހަވާލާދީ ފުލުހުން ވަނީ ބުނެފަ އެވެ. ފުލުހުން ބުނީ މަރުވެފައި އޮތްވައި ފެނުނީ ބިދޭސީއެއް ކަމަށެވެ.

އެ މީހާ ފެނުއިރު އޮތީ ހުދު ކުލައިގެ ޓީޝާޓަކާއި ކަޅު ކުލައިގެ ސޯޓެއް ލައިގެން ކަމަށްވެ އެވެ. އަދި އެމީހާ ފެނިފައި ވަނީ އައްޑޫ ހައި ސްކޫލު ފުރަގަހުން އޮންނަ އާރިކިޅި ބްރިޖު ސަރަހައްދުންނެވެ.

ފުލުހުން ދަނީ މި މައްސަލަ ތަހުގީގުކުރަމުންނެވެ.