ގެދޮރުވެރިޔާ ސްކީމްގެ ދަށުން އަލުން ފޯމްލާން ހުޅުވާލިކަމަށް ބުނެ ސްކޭމެއް ހިންގަމުންދާތީ ސަމާލުވާން ފުލުހުން އެދެފި އެވެ.

ފުލުހުން ބުނީ، މި ސްކީމަށް ކުރިން ލާފައިވާ ފޯމްތައް ބާާތިލުކޮށް އަލުން ފޯމްލުމުގެ ފުރުސަތު އެޗްޑީސީން ރާއްޖޭގެ ހުރިހާ ރައްޔިތުންނަށް ހުޅުވާލާފައިވާކަމަށް ބުނެ މެސެޖެއް ދައުރުވަމުންދާ ކަމަށެވެ.

މި މެސެޖުގައި ފޯމް ވެބްސައިޓުން ލިބެން ހުންނާނެކަމަށް ބުނެ ދައުރުވަމުންދާއިރު، މިއީ ސައްހަ މެސެޖެއް ނޫންކަމަށް ފުލުހުން ވަނީ ބުނެފަ އެވެ.

އެހެންކަމުން އެކަމަށް ސަމާލުވުމަށް ފުލުހުން ވަނީ އެދިފަ އެވެ.