ފައިސާއަށް ހަށިވިއްކި ދެ މީހަކު ތިނަދޫން ހައްޔަރުކޮށްފި
ވަހީދު ހޮވުމުން ހަޖަމްނުވެގެން ގަޑުބަޑުކޮށްލީ ގަސްދުގައި: ރާއީ
ކުރިއަށް އޮތް 24 ގަޑިއިރު ބައެއް އަތޮޅުތަކަށް މޫސުން ގޯސްވާނެ
ފުވައްމުލަކު ފުނާޑު އަވަށު ޗަސްބިން ސަރަހައްދުގައި މިރޭ އަލިފާން ރޯވެ ވަރަށް ބޮޑަށް އަނދަން ފަށައިފި އެވެ.
ފުނާޑު އަވަށުގައި މިރޭ 10 އެއް ޖަހާކަން ހާއިރު ރޯވި އަލިފާންގަނޑު އެންމެ ބޮޑަށް ފެތުރިގެން ދިޔައީ ނޭޗާ ޕާކުގައި ހަދާފައިވާ ހަޓާއި ޖެޓީ އާ ދިމާއަށެވެ. އެ ހަޓާއި ޖެޓީގައި އަލިފަންގަނޑު ހިފުމުގެ ކުރިން އާއްމުންނާއި ސިފައިން ގުޅިގެން ކުރި މަސައްކަތުން ވަނީ ކޮންޓްރޯލްކޮށްފަ އެވެ. ނަމަވެސް އަލިފާންގަނޑު އަދިވެސް މުޅިން ކޮންޓްރޯ ނުވެ އެވެ.
ވައި ޖެހޭ މިސްރާބު ހުރި ގޮތުން އަލިފާންގަނޑު މިހާރު ފެތުރެމުން ދަނީ ބަންޑާރަ ކިޅި ކައިރިން މިސްކިތްމަގު އަވަށާ ވީ ދިމާއަށެވެ.
ފުވައްމުލަކު ޗަސް ބިން ސަރަަހައްދުގައި ދޭތެރެ ދޭތެރެއިން ރޯވެ ގަސްތައް އަނދައި ހުލިވެ އެވެ. އެތަނުގައި އާއްމުކޮށް ހެދިފައި ހުންނަނީ ހުއި އާއި ދަނބުގަހެވެ. މިދުވަސްވަރު ވައި ބާރުވުމުން އެ ގަސްތަކުގައި ހުޅު ހިފައި ވަރަށް ފަސޭހައިން އަލިފާންގަނޑު ފެތުރެ އެވެ.
އެމްއެންޑީއެފް އިން ބުނީ ފުވައްމުލަކު ފުނާޑު އަވަށު ޗަސްބިން ސަރަހައްދުގައި ރޯވި އަލިފާން ނިއްވުމުގެ މަސައްކަތް ސިފައިން ކުރަމުން އަންނަ ކަމަށެވެ. މި ހާދިސާގައި އެއްވެސް މީހަކަށް އަނިޔާއެއް ނުވެ އެވެ.
މިރޭ ރޯވި ފުނާޑު އަވަށު ޗަސް ބިން ސަރަހައްދުގައި މިދިޔަ ހަފުތާގައި ރޯވެ ބޮޑު ބައެއް އަނދާފައިވެ އެވެ.
