ޔަމަނުގެ ހޫތީންނާއި، އީރާނުގެ އިތުރުން ލުބުނާނުގެ ހިޒްބުﷲ ޖަމާއަތުން ގުޅިގެން އިޒްރޭލުގެ ވެރިރަށް ތަލް އަބީބަށް އަމާޒުކޮށް މިހާތަނަށް ދެވޭ އެންމެ ވަރުގަދަ ރޮކެޓް ހަމަލާތައް މިރޭ ދޭނެކަމަށް އިއުލާންކޮށްފި އެވެ. މި ފަރާތްތަކުން ވަނީ މުޅި ދުނިޔޭގެ ސަމާލުކަން މި ހަމަލާތަކަށް ހުއްޓާލުމަށް ގޮވާލާފަ އެވެ.

މި ބަޔާނުގައި ބުނެފައިވަނީ މިރޭ ދެވޭ ހަމަލާއަކީ މި ހަނގުރާމައިގެ ތާރީހުގައި ވެސް ތަލް އަބީބަށް އަމާޒުކޮށް ދެވޭނެ އެންމެ ބޮޑު ރޮކެޓް ހަމަލާގެ ޕްލޭން ކަމަށެވެ. އަދި އިޒްރޭލަށް ކުރިމަތިވާނީ ވަރަށް ނާމާން އަދި އަނދިރި ދުވަސްތަކެއް ކަމަށް ވެސް އެ ފަރާތްތަކުން ވަނީ އިންޒާރު ދީފަ އެވެ.

ދުނިޔޭގެ މީޑިއާތަކުން މި ހަމަލާތަކުގެ ހަގީގަތްތައް ދުނިޔެއަށް ހާމަކޮށްދިނުމަށް އެދިފައިވާއިރު، މި ފަރާތްތަކުން ވަނީ އިސްލާމީ އުންމަތުގެ ކިބައިން ނަސްރަށް އެދި ދުއާކޮށްދިނުމަށް ވެސް އެދިފަ އެވެ.

"މާތްﷲ ތިޔަބޭފުޅުންނަށް ނަސްރު ދެއްވާށި" މި ބަހުގެ މުހިންމުކަން ފާހަގަކުރަމުން، މިއީ އިޒްރޭލާ ދެކޮޅަށް ކުރެވޭ ވަރުގަދަ މަސައްކަތެއްގެ ގޮތުގައި ވަނީ ސިފަކޮށްފަ އެވެ.

މި ހަމަލާތަކާ ގުޅިގެން މެދުއިރުމަތީގެ މަސްރަހު އިތުރަށް ހޫނުވެފައިވާއިރު، ބައިނަލްއަގުވާމީ މުޖުތަމައުން ދަނީ މިކަމުގެ ސަބަބުން ނުކުމެދާނެ ނަތީޖާއަކަށް ވަރަށް ބޮޑަށް ފާރަވެރިވަމުންނެވެ.