ދުނިޔޭގައިވާ އެންމެ ސާފު، އެންމެ ފުރިހަމަ ގުދުރަތީ އަޖައިބުތަކުގެ ތެރެއިން މެލޭޝިޔާގެ ބޯނިއޯ ޖަޒީރާގައި އޮންނަ ގުނުންގް މުލޫ ނޭޝަނަލް ޕާކަކީ ދަތުރުވެރިންގެ ހިތްތައް އަތުލައިގަންނަ ފަދަ ހާއްސަ މަންޒިލެކެވެ.
ސަރަވާކް ސްޓޭޓްގައި އޮންނަ މުޅި މި ޕާކަކީ ދުނިޔޭގެ ތަރިކައިގެ ލިސްޓުގައި 2000 ވަނަ އަހަރު ޔުނެސްކޯއިން ހިމަނާފައިވާ، އޭޝިއާގެ އެންމެ ތަފާތު އަދި އެންމެ ސިހުން ގެނުވާ އެއް ސަރަހައްދެވެ.
މި ޕާކުގެ ތެރެއިން އެންމެ ބޮޑު މަޝްހޫރު ކަމެއް ހޯދާފައިވަނީ އެތަނުގައިވާ ބިޔަ، ހައިރާން ކުރުވަނިވި ހޮހަޅަތަކާއި ފުރިހަމަ ގުދުރަތީ ނިޒާމެވެ. އެގޮތުން އެތަނުގައިވާ ސަރަވާކް ޗޭމްބަރަކީ ދިގުމިނުގައި 700 މީޓަރު އަދި އުސްމިނުގައި 70 މީޓަރު ހުންނަ، މުޅި ދުނިޔޭގައިވެސް އުފެދިފައިވާ އެންމެ ބޮޑު ގުދުރަތީ ކޭވް ޗޭމްބަރެވެ.
އަންދާޒާ ކުރެވޭ ގޮތުގައި މިއީ ބޯއިންގް 707 މަރުކާގެ 40 މަތިންދާބޯޓު އެކުގައި ބެހެއްޓޭނެ ފަދަ ބޮޑު ޖާގަ އެކެވެ. މީގެ އިތުރުން މަޝްހޫރު ޑީއާ ކޭވް ތެރެއިން ކޮންމެ ދުވަހެއްގެ ހަވީރުގެ ވަގުތުގައި މިލިއަނުން ގުނާލެވޭ ވާލުގެ މައިކްރޯ-ބެޓްތައް އެކުގައި އުދުއްސައިގަންނަ މަންޒަރަކީ މުޅި ދުނިޔެއިންވެސް ފެންނާނެ އެންމެ އާދަޔާހިލާފު އެއް މަންޒަރެވެ.
ދުނިޔޭގެ އެންމެ ދިގު ކޭވް ނެޓްވޯކް ތަކުގެ ތެރޭގައި ހިމެނޭ ކްލިއާވޯޓަރ ކޭވް ފަދަ އާދަޔާހިލާފު އެތައް ހޮހަޅައެއް މި ސަރަހައްދުން ފެނިގެންދެ އެވެ.
ހޮހަޅަތަކުގެ އިތުރުން، މި ޕާކުގެ ފާހަގަ ކޮށްލެވޭ އަނެއް ސިފައަކީ ތޫނުކޮށް އުސްކޮށް އުފެދިފައިވާ ލައިމްސްޓޯން ޕިނަކަލްސް ނުވަތަ ކާސްޓް ހިލަތަކެވެ. ސައިންސްވެރިން ބުނާ ގޮތުގައި މި ސަރަޙައްދުގެ ހިލަތަކަށް 90 މިލިއަނަށްވުރެ ގިނަ އަހަރު ވެއްޖެ އެވެ.
2,376 މީޓަރު އުސް ޖަބަލު މުލޫ ނުވަތަ މައުންޓް މުލޫއަކީ ފަރުބަދަތަކަށް އަރައި "އެޑްވެންޗާ"އަށް ލޯބިކުރާ ދަތުރުވެރިންނަށް ލިބޭނެ އެންމެ ފުރިހަމަ އެއް ތަޖުރިބާ އެވެ.
މުލޫ ނޭޝަނަލް ޕާކަކީ ހަމައެކަނި ހޮހަޅަތަކާއި ފަރުބަދަ ތަކެއް ނޫނެވެ. މިއީ ޖަންގަލިތަކުގެ މަދުން ނޫނީ ނުފެންނަ ދިރުންތަކުން މުއްސަނދި ވެފައިވާ ހާއްސަ މަރުކަޒެކެވެ. މި ސަރަޙައްދުގައި 3,500 އަށްވުރެ ގިނަ ވައްތަރުގެ ގަސްގަހާގެހި ހުރިއިރު، ހަމައެކަނި ކ މާމެލާމެއްޔާއި ގަސްގަހާގެހީގެ 109 ވައްތަރެއް ފެންނަން ހުރެ އެވެ.
އެއާއެކު 90 އަށްވުރެ ގިނަ ވައްތަރުގެ ހޯންބިލް ދޫންޏާއި، 27 ވައްތަރެއްގެ ވާލުގެ އިތުރުން ޓާސިއާ، ގިބަން، އަދި ތަފާތު ވައްތަރުގެ ކުދި ފަންސޫރުތަކާއި މިނިކާ މަކުނު ފަދަ ޖަނަވާރުތައް މި ޖަންގަލީގައި އުޅެ އެވެ.
މި އަޖައިބުކުރުވަނިވި މަންޒިލަށް ދިއުމުގެ ދަތުރަކީވެސް ވަރަށް ފުރިހަމަ "އެޑްވެންޗާ" އެކެވެ. މެލޭޝިޔާގެ މީރީ އިން މުލޫއަށް އޮންނަ 30 މިނެޓުގެ ކުރު މަތިންދާބޯޓު ދަތުރަކުން ވަރަށް ފަސޭހައިން އެތަނަށް ދެވިދާނެ އެވެ.
އެޑްވެންޗާއެއް ބޭނުންވާ ފަރާތްތަކަށް ކުއާލާ ބާރަމް އިން ފެށިގެން ކަނޑުމަގުންނާއި ނަވާލީ އެކްސްޕްރެސް ބޯޓުތަކުގައި ޓުޓޯ ކަންދުރާ ހުރަސްކޮށް ދަތުރު ކުރުމުގެ ފުރުސަތުވެސް އޮވެ އެވެ.
ގުނުންގް މުލޫއަކީ ދުނިޔޭގެ އެންމެ ސާފު، އަދި އަދަށްވެސް ގުދުރަތީ އަސްލު ނުގެއްލި އޮތް އެންމެ އަޖައިބު ކުރުވަނިވި އެއް ތަނެވެ. ދެކުނު އަގްނިއާ އޭޝިއާ ސަރަޙައްދަށް ދަތުރު ކުރާނަމަ، މިއީ ކޮންމެހެން ވެސް ތަޖުރިބާ ކޮށްލަންޖެހޭ ފުރިހަމަ މަންޒިލެކެވެ.
