އައިޝާގެ ހިތްދަތި ބަސްތައް!
އިންޑިއާއަށް ދައްކަން ޖެހޭ ޓީ ބިލުގެ މުއްދަތު އިތުރުކޮށްދީފި
އުތުރުގައި އައިއެސްޕީއެސް ގޭޓް އިފްތިތާހްކޮށްފި
ދުވަސްވީ ސާމްޕަލްތަކާ އެކު މިއަދު ވެސް 2،194 މީހުން ކޮވިޑަށް ޕޮޒިޓިވްވެފައިވާ ކަމަށް އެޗްޕީއޭ އިން އިއުލާންކޮށްފި އެވެ.
އެޗްޕީއޭ އިން މިރޭ އާންމުކުރި ތަފާސް ހިސާބުތައް ދައްކާގޮތުން މާލެ ސަރަހައްދުން ޕޮޒިޓިވްވެފައި ވަނީ 1،698 މީހުންނެވެ. އަތޮޅުތަކުގެ ރަށްތަކުން 467 މީހަކު ޕޮޒިޓިވްވިއިރު، ރިސޯޓްތަކުން 29 މީހަކު ވަނީ ޕޮޒިޓިވްވެފަ އެވެ.
މިއަދުގެ ކޭސްތަކުގެ ތެރެއިން ފާއިތުވި 24 ގަޑިއިރުގެ ތެރޭގައި ނެގި ސާމްޕަލްތަކުން ޕޮޒިޓިވްވީ 691 މީހުންނެވެ.
ރާއްޖެއިން މިހާތަނަށް ކޮވިޑް ޖެހިފައި ވަނީ ޖުމްލަ 50،802 މީހުންނަށެވެ. އެކްޓިވް ކޭސްގެ އަދަދު 20،276 ގައި މިހާރު ހުރިއިރު 30،403 މީހުން ވަނީ މިހާތަނަށް މިބަލިން ރަނގަޅުވެފަ އެވެ.
މި ބަލި ޖެހިފައިވާ 280 މީހަކަށް ހޮސްޕިޓަލްތަކުގައި ދަނީ ފަރުވާ ދެމުންނެވެ. މި ބަލީގައި ރާއްޖެއިން މިހާތަނަށް 114 މީހަކު ވަނީ މަރުވެފަ އެވެ.
އަތޮޅުތަކުގައި ކޮވިޑް ކޮންޓްރޯލް ކުރަން އަޅާ ފިޔަވަޅެއްގެ ގޮތުން ޒަރޫރީ ބޭނުމެއްގައި ނޫނީ އެއްރަށުން އަނެއް ރަށަށް ދަތުރުކުރުން ވަނީ މަނާކޮށްފަ އެވެ.
ތި ބެކްލޮގާއެކު ކޭސްތައް ރިޕޯޓްކުރާތާ އެތައްދުވަހެއް ވެއްޖެ. ކޮންމެ ދުވަހަކު އެތައްދުވަހެއްގެ ބެކްލޮގާއެކު އަންނަނީ ކީއްވެ؟؟؟ ކޮންމެވެސް ކަހަލަ އޮޅުވާލުންތަކެއް އެބައޮތް ތިކަމުގަވެސް. ޖީބަށް ބޮޑުވާގޮތަށް ނޫނީ އެއްކަމެއްވެސް ނުކުރާނެ.