ރައްޔިތުންގެ މަޖިލީހުގެ އިދާރާ ގޮއްވާލާނެ ކަމުގެ އިންޒާރުދިން މީހާ ދޫކޮށްލައިފި އެވެ.

ފުލުހުން ބުނީ އުމުރުން 28 އަހަރުގެ އެމީހާގެ މައްސަލައިގެ ތަހުގީގު ނިންމައި ދައުވާ ކުރުމަށްޓަކައި ޕްރޮސިކިއުޓާ ޖެނެރަލްގެ އޮފީހަށް ފޮނުވާފައިވާތީ، އެ މައްސަލައިގެ ވަށައިގެންވާ އެންމެހައި ކަންކަމަށް ބެލުމަށްފަހު އޭނާ ބަންދުން ދޫކޮށްލާފައިވާ ކަމަށެވެ.

ފޭސްބުކު ލައިވްއެއްގައި މަޖިލީހުގެ އިދާރާ ގޮއްވާލާނެ ކަމަށް އޭނާ ކޮމެންޓްކުރީ މިދިޔަ ޖޫން މަހުގެ އެއް ވަނަ ދުވަހު އެވެ.

އޭނާ ދޫކޮށްލީ ޖޫން 24 ވަނަ ދުވަހު ކަމަށް ފުލުހުން ބުންޏެވެ.

އެފަދަ އިންޒާރުތައް ދޭ މީހުން ހަތަރު އަހަރާއި ހަ އަހަރާ ދެމެދުގެ މުއްދަތަކަށް ޖަލަށްލެވޭނެ ކަމަށް ޓެރަރިޒަމް މަނާ ކުރުމުގެ ގާނޫނުގައިވެ އެވެ.