ލެޕްޓޮޕްގެ ސަބަބުން ދަރިމައިވުމުގެ ސިއްހަތަށް އަސަރުކުރޭ!
ބީއެމްއެލްގެ ބޯޑުން ސަޖުނީ އިސްތިއުފާ ދީފި
ރަހީނުކުރި މައްސަލާގައި ހިމެނޭ ސިފައިން ސަސްޕެންޑްކޮށްފި
އިތުރު 63 މީހުން ކޮވިޑަށް ޕޮޒިޓިވްވެފައިވާ ކަމަށް އެޗްޕީއޭ އިން އިއުލާންކޮށްފި އެވެ.
އެޗްޕީއޭ އިން މިރޭ އާންމުކުރި ތަފާސް ހިސާބުތައް ދައްކާގޮތުން މާލެ ސަރަހައްދުން ޕޮޒިޓިވްވެފައި ވަނީ 13 މީހުންނެވެ. އަތޮޅުތަކުގެ ރަށްތަކުން 28 މީހަކު ޕޮޒިޓިވްވިއިރު، ރިސޯޓްތަކުން 22 މީހަކު ވަނީ ޕޮޒިޓިވްވެފަ އެވެ.
ރާއްޖެއިން މިހާތަނަށް ކޮވިޑް ޖެހިފައި ވަނީ ޖުމްލަ 75،879 މީހުންނަށެވެ. އެކްޓިވް ކޭސްގެ އަދަދު 2،425 ގައި މިހާރު ހުރިއިރު 73،226 މީހުން ވަނީ މިހާތަނަށް މިބަލިން ރަނގަޅުވެފަ އެވެ.
މި ބަލި ޖެހިފައިވާ 12 މީހަކަށް ހޮސްޕިޓަލްތަކުގައި ދަނީ ފަރުވާ ދެމުންނެވެ. މި ބަލީގައި ރާއްޖެއިން މިހާތަނަށް 216 މީހަކު ވަނީ މަރުވެފަ އެވެ.
މާލެއިން ޕޮޒިޓިވްވި އަދަދުތައް ވަރަށް ބޮޑަށް ދަށްވެފައިވާއިރު، ފާއިތުވި ހަ މަހުގެ ތެރޭގައި ވެސް މިވަރަށް ދަށްވެފައެއް ނުވެ އެވެ.
ކޮންތާކު، އަދަދުތައް ދަށް ކަމަށް ރިޕޯޓު ލިއުނަކަސް ގަބޫލުކުރެވޭނެ ގޮތެއް ނެތް، ޗެކްކުރުން މަދު ކޮށްލީ މި ސަރުކާރުގެ ރޯޔަލް ބޭފުޅުން ރާއްޖެ ތެރެއަށާ ދުނިޔޭގެ ކަންކޮޅުތަކަށް ގޮސް މަޖާ ކޮށްލަން ބޭނުން ވެގެން.